Senator R. Ákimov sý tasqynynda zardap shekkenderdi umyt qaldyrmaýǵa ýáde berdi

    Assem Almuhanbet
    Senator R. Ákimov sý tasqynynda zardap shekkenderdi umyt qaldyrmaýǵa ýáde berdi

    Senat depýtaty Rashıt Ákimov Aqmola oblysyndaǵy sý tasqynynan zardap shekken eldi mekenderde saparda boldy dep habarlaıdy Qamshy aqparattyq agenttigi  

    R.Ákimov Selınograd aýdanyndaǵy Semenovka aýylynda jergilikti atqarýshy organdardyń jumysymen tanysty, turǵyndarmen kezdesip, úı-jaıyn aralap kórdi. Senator jaǵdaıdyń turaqty baqylaýda ekenin jáne týyndaǵan ótkir máseleler jedel túrde sheshilip otyratynyn aıtty.

    Aýyl turǵyndarymen kezdesýde R.Ákimov «Men óz kózimmen kóreıin, jaǵdaıdy baǵalap, bileıin dep keldim. Tabıǵatty júz paıyz boljaý múmkin emes. Basshylar qoldan kelgennin bárin jasap jatyr. Eshkim Sizderdi umytqan joq, depýtattar Úkimetke tıisti saýal joldady. Qazirgi kezde búkil oblys Sizderge kómek kórsetip jatyr», dedi.

    Aýdanda apat saldarynan kelgen zıan kólemin esepteıtin arnaıy komısıa jumys isteýde. Depýtat kóktemgi erigen sýdan zardap shekkenderge kómek kórsetken eriktilerge alǵys aıtty. Turǵyn úılerinen, múlikteri men malynan aıyrylǵan turǵyndarǵa qoǵamdyq uıymdardyń, kásipkerlerlerdiń jáne qaıyrymdy jandardyń tarapynan kómek beriledi.

    R.Ákimov Jańajol aýylyndaǵy tasqyn sýǵa salynǵan bógetti de kórdi. Senator osy óńirde Aqmola oblysy ákiminiń orynbasary Janbolat Smaıylov pen Selınograd aýdanynyń ákimi Malǵajdar Tátkeevtiń qatysýymen jumys babyndaǵy keńes ótkizdi.
     

    Qatysty Maqalalar