Kóligin tárkilegen sot oryndaýshyny er adam kóligimen ádeıi qaqqan

    Assem Almuhanbet
    Kóligin tárkilegen sot oryndaýshyny er adam kóligimen ádeıi qaqqan
    Astana qalasynyń alıment tóleý boıynsha bereshegi bar «D.» azamaty  Astana qalasy Ádilet departamentiniń sot oryndaýshysy R.Kızatovty tyıym salynǵan avtokóligin tárkileýge áreket etken kezde qaǵyp ketti dep habarlaıdy Qamshy aqparattyq agenttigi Astana qalasy Ádilet Departamenti Alıment tólemderin óndirip alý aýmaqtyq bólimine silteme jasap. 
     
    Boryshker uzaq jyldar boıy jasy kámeletke tolmaǵan balasyna alıment tóleýden jaltaryp, óz erkimen sot sheshimin oryndaýǵa jasalǵan usynysty elemedi.
     
    Osyǵan oraı, boryshkerdiń avtokóligine tyıym salý qaýlysy shyǵaryldy. Alıment  tóleý boıynsha bereshegi bar boryshker  avtokóligi turǵan jerin jasyryp, sot oryndaýshylardy jańylystyryp, jalǵan aqparat berdi. Biraq, sot oryndaýshy R.Kızatov Atqarý óndirisin qamtamasyz etý basqarmasynyń aýmaǵynda boryshkerdiń avtokóligi turaqtalǵanyn anyqtady.
     
    Tyıym salynǵan múligin tárkileýge áreket etken sot oryndaýshyny boryshker «D.» avtokóligimen qaǵyp ketip, jasyrynyp qalýǵa tyrysty. Jol polısıa qyzmetkerleri qaýipti boryshkerdi ustaýǵa járdemdesti.
     
    Qazirgi tańda,  múlkin tárkileý týraly tizimdeme hattamasy, múlkin alyp qoıý týraly akti, ákimshilik quqyq buzýshylyq týraly hattama jáne qaýly toltyryldy.
     
     

    Qatysty Maqalalar