Reseı Amerıka qurama shtattarymen oqýshy aýysatyn Future Leaders Exchange baǵdarlamasyn eki jylǵa toqtatty. Bul týraly BBC jańalyqtary habarlady.

«Biz Reseı bıliginiń osy baǵdarlamany japqan áreketine qatty ókinish bildiremiz.  Bul - 21 jyldyń ishinde qol jetkizgen eki el halqynyń myǵym baılanysyna túsirilgen selkeý», - dep óz pikirin bildirgen AQSH-tyń Máskeýdegi elshisi Djon Tefft. Onyń sózine saı, FLEX baǵdarlamasy boıynsha  8 myńnan astam reseılik joǵary synyp oqýshylary AQSH-ta bilim alǵan jáne Amerıkanyń 50 shtatyndaǵy mıllıondaǵan amerıkalyqtarmen tanysyp, Reseıden ozyq tustaryna kýá bolǵan.

Atalǵan baǵdarlamaǵa Ýkraınanyń, Qazaqstannyń, Qyrǵyzstannyń, Grýzıanyń, Moldavanyń, Tájikstannyń, Túrkimenstannyń, Armenıanyń jáne Ázerbaıjan respýblıkasynyń da oqýshylary qatysady eken. Baǵdarlamanyń artyqshylyǵy jol aqy, turmys qarajatty qamtyǵan oqý shyǵyndary túgeldeı AQSH tarapynan tólenedi.

Reseı bilim mınıstrligi bul baǵdarlamanyń jabylýyn AQSH-qa oqýǵa ketken oqýshylardan bireýi elge qaıtpaı, sonda qalyp qoıýymen túsindirgen.

Qamshy-aqparat