Bireýler áleýmettik jeli gazet emes depti, sonda ol ósek tasyp, oıyńa kelgendi jazý ma, álde ishińdegi las pen qoqysty syrtqa shyǵarý ortalyǵy ma? Eger,áleýmettik jelini paıdalana bilseń saıası-qoǵamdyq, adamı-azamattyq tárbıe men mádenı-ekonomıkalyq, turmystyq- áleýmettik málimet alatyn kóz. Baılanys quraly. Álemmen jeli arqyly qarym-qatynas. Bul qazaq qoǵamyndaǵy tildik te,basqa da máseleler týraly oı qozǵap, pikir almasatyn orta. Al, ósek pen ishken jegenińdi, jatyp-turǵanyńdy jazsań naǵyz antııman kózi.

Sondyqtan, áleýmettik jeli BAQ-tyń ózinshe bir jetilgen túri. Muny tıimdi paıdalana biletin jaqsy baǵyt-baǵdardaǵy batys jýrnalısterinen úlgi alyp, FB-tyń zıaly oqyrman-aralasýshysy bul másele týraly "búıdeıdi" dep gazet-jýrnalǵa jazsa ne jarıalasa esh ersi ne aqparat alý kózi BAQ-tyń ádis-tásiline jat emes. Tipti, kez-kelgen telefon da áleýmettik baılanys jelisi. Ony ósek tasyp, jalǵan málimet quraly retinde paıdalanatyndar bar. Sondyqtan, aınalaıyndar, qaı-qaısysyń da, osynaý jetilgen áleýmettik jelini sana-sezimderiń men tilderiń jetken jerge deıin paıdalanyńdar da, tek ony durys paıdalanǵysy kelgenderge "anaý-mynaý" demeńdershi. Men jýrnalıspin, sondyqtan, áleýmettik jeli meniń qandaı da bolmasyn málimet alatyn,ne málimet beretin, kez kelgen qoǵamdyq-adamı ortamen baılanysatyn qatynas quralym. Ony jýrnalyma tıimdi paıdalanyp, qoǵamǵa qyzmet etkim keledi. Al, ósek-aıań, taǵy-taǵylarmen aınalysqysy keletindermen esh shataǵym joq. Jeli qol astyńda, sana-sezimiń, tiliń jetken jerge deıin paıdalan, tek meniń áleýmettik-jelilik ustanymyma aralaspa. Qaıta, naǵyz jýrnalıs bolǵyń kelse, áleýmettik jelini tıimdi paıdalanyp, obrazben aıtqanda, gazet-jýrnalyńnyń azyǵy et. Mine, sonda sen jýrnalıssiń. Maǵan senińder, aınalaıyndar! Men senderdi aldamaımyn. Aldaýǵa azamattyq-adamı ári kóp jyldyq jýrnalısik praktıkam jibermeıdi.

Amanhan Álim.