QR Parlamenti Senaty «Eýrazıalyq ekonomıkalyq odaq týraly Kelisimdi» 9 qazan kúni jalpy otyrysta ratıfıkasıalaýdy josparlaýda. Bul týraly búgin Joǵarǵy palatanyń Ekonomıkalyq saıasat, ınovasıalyq damý jáne kásipkerlik komıtetiniń tóraǵasy Talǵatbek Abaıdildın málimdegen. QazAqprattyń jazýynsha komıtet tóraǵasy: «9 qazanda ótetin Senattyń jalpy otyrysynda  EAEO týraly kelisimdi ratıfıkasıalaý josparlanyp otyr. Men Senat otyrysyna qujattyń tolyq mátinin engizýdi usynamyn», - dep atap ótken. Onyń málimetinshe,Úkimet atynan kelisimdi qorǵaý úshin QR Ulttyq ekonomıka mınıstri Erbolat Dosaev baıandama jasaıdy.

Esterińizde bolsa, 1 qazan kúni Parlament Májilisi atalǵan kelisimdi kóp talqylap jatpaı-aq maquldap jibergen bolatyn. Buǵan baılanysty qazaqstandyqtar áleýmettik jelilerde óz narazylyqtaryn bildirgen edi. Bıylǵy jyldyń 29 mamyrynda qol qoıylǵan «EAEO qurý týraly shart» parlamenttiń ratıfıkasıalaýynan ótse, Prezıdent qol qoıǵannan soń josparlanǵan odaq tolyqtaı jumys isteý mehanızmine daıyn bolady. Iaǵnı 2015 jyldyń 1 qańtarynan EAEO óz jumysyn bastaıdy.

Qamshy-aqparat