Qazaqstannyń birinshi raketkasy Zarına Dıas 6-12 qazan aralyǵynda Japonıanyń Osaka qalasynda ótetin halyqaralyq týrnırde baq synaıtyn bolady. Júlde qory - 250 myń AQSH dollary bolatyn atalmysh týrnırde Zarınanyń tabysty óner kórsetýine múmkindigi tolyq. Óıtkeni osy jarystyń birinshi raketkasy, ataqty avstralıalyq Samanta Stosýrmen Zarınanyń joly tek fınalda ǵana toqaılasýy múmkin. Qazaqstandyq sportshy amerıkandyq Medıson Kıs, Koko Vandevege, ýkraınalyq Elına Svıtolına sıaqty tenısshilermen de báseke ótkizýi múmkin. Bul týrnırge taǵy bir qazaqstandyq Iýlıa Pýtınseva da qatyspaq. QazAqparattyń jazýynsha Zarına Dıas Marıa Sharapova nemese Vıktorıa Azarenko syndy mańdaıaldy álemniń tenısshilerimen sheberlik baıqasýǵa daıyn ekendigin aıtqan. Ol jyl sońyna deıin úzdik otyz tenısshiniń qataryna enýdi maqsat etýde. 

Qazaqstannyń nómiri birinshi raketkasy Zarına Dıas ótken aptada Qytaıdyń Ýhan qalasyndaǵy halyqaralyq týrnırdiń ekinshi aınalymyna ótip, sonyń arqasynda reıtıńtik upaı alǵan. Oǵan saı Zarına Dıas WTA (Halyqaralyq tenıs federasıasy) reıtıńisindegi 39-orynnan 37-orynǵa kóterildi. Zarına Dıas bıylǵy jyldyń basynda álemdik reıtıńte 112-orynda turǵan.

Qamshy-aqparat