Petropavl turǵynyna sút ornyna sý satqan, dep jazady Qamshy aqparattyq agenttigi.

Petropavl turǵyny dúkennen eki paket sút satyp alǵan, alaıda ishi sýǵa toly bolǵan. Áıel adam erekshe taýaryn vıdeoǵa túsirip alyp, ǵalamtorǵa saldy.

«Petropavldyń súti osyndaı. Masqara! Bir qorabyn ashqanymda súttiń ornyna sý shyqty» dep jazdy turǵyn vıdeonyń astyna.

JSHS «Kazmoltorg» zaýytynyń qyzmetkeri bul jaǵdaıdy dúken satýshylarynyń qateliginen bolǵan dep túsindirdi.

«Sórede kórsetilimge arnalǵan jasandy taýarlar turady. Súttiń de sondaı jasandy taýary boldy. Onyń artqy betinde qyzyl syzyq bar. Aýystyryp turmas úshin ishin sýǵa toltyryp qoıǵan. Sol núktede jumys istep júrgen satýshy birneshe mınýtqa shyǵyp ketken, al basqa bólimniń satýshysy sút qorabynyń sýǵa tolyp turǵanyn bilmegen. Biz sýǵa toly sút qorabyn satyp alǵan áıeldi shaqyryp, ústinen qosymsha úsh sút berdik. Bul abaısyzda bolǵan qatelik. Eshkim súttiń ornyna sý sata qoımas» dep aıtty kásiporyn dırektory Váchaslav Kotlovskıı.