Ótken aptanyń jumasynda, «Qamshy» portaly «Berdibektiń bes kemshiligi jáne ataq pen arýaq talasy» atty maqala jarıalaǵan edi. Ol materıalda SHQO ákimine baılanysty dat sózben qatar, Qozy-Baıannyń  basy jatqan «Tarlaýly» aýyly Juman Qojaǵapanov atyna  aýysýy múmkin ekeni, oǵan jergilikti bılik ókilderi múddeli ekeni jazylǵan.  

Belgili jýrnalıs Jumash Kenebaıdan «Qamshynyń» poshtasyna tómendegideı hat kelip tústi. Hat mazmunynda atalǵan máseleniń oń sheshim tapqany aıtylǵan.

«Aqyry, ádilettilik jeńdi!

 SHQO ákimi B.Saparbaev ózi basqaratyn oblystyq onomastıka komısıasynyń buǵan deıingi sheshiminiń kúshin joıýǵa májbúr boldy. Ol adamdy táýbesine keltirgen Qazaqstan Respýblıkasy Prezıdentiniń apparaty bolǵanyn jurt aıtyp júr. Respýblıkalyq «Egemen Qazaqstan», «Dat» jobasy boıynsha jaryq kórip jatqan basylym, abai.kz, qamshy.kz sıaqty qazaq tildi saıttar, «31» telearna Qozy men Baıan kesenesine ara túskenin, qalyń oqyrman jaqsy biler dep oılaımyn

Sonymen bes jyldan astam ýaqyt boıy  basy daýǵa qalǵan Qozy men Baıan kesenesi turǵan jer «áýpirimmen» aman qaldy. Qasıetti árýaqtarǵa aýyz salǵandardyń tumsyǵy tasqa tıdi!..»

Jýrnalıstiń jazýynsha Qozy men Baıannyń eskertkishi ornalasqan aýmaq aty aýyspaıtynyn rastaıtyn qujat – aldaǵy ýaqytta jarıalanady.