Astana turǵyny Nesipgúl Uıabaeva baspanasyn qorǵaý úshin Qazaqstan Prezıdenti Nursultan Nazarbaevtyń sýretterin úı aınaldyra ilip tastady dep jazady centralasian.org.
Uıabaevanyń pikirinshe, prezıdenttiń 91 sýreti "memleket qajettiligi úshin" súrilýi tıisti úıin qorǵap qalady.
"Men bul sýretterdi ilgen sebebim, sheneýikter qudaıdan qoryqpaıdy, prezıdentten ǵana qorqady. Bizdiń prezıdent halyqtyń jaqsy ómir súrgenin qalaıdy ǵoı, biraq olar bizdiń óz jerimizdi tartyp alyp, dalaǵa shyǵaryp tastamaqshy", - dedi Nesipgúl.
Bul úıde jeti adam turady, olardyń ekeýi kámelet jasqa tolmaǵan. Úı qojaıynynyń aıtýynsha, jergilikti bılik ótemaqy úshin áýeli $400 usynǵan, keıin 4,7 mln teńgege ósken, biraq bul qarajatpen jańa baspana satyp ala almaısyń.
21 sáýirde Astanada "EKCPO" halyqaralyq kórmesine daıyndyq máseleleri talqylanyp, sonda prezıdent Nazarbaev qazaqstandyq astana ortalyǵyndaǵy eski jeke úılerdiń áli turǵanyna renjidi. Onyń pikirinshe, mundaı úıler qalanyń kórkin buzyp tur.
