Búgingi tańda Qazaqstanda 27 mln. mal basy tirkelgen, olardyń ishinde 6,5 mln. bas İQM, 18,1 mln. bas usaq mal, 2,2 mln. bas jylqy, 177,6 myń bas túıe jáne 36,7 mln. bas qus bar dep jazady Qamshy aqparattyq agenttigi.
Respýblıkadaǵy jalpy epızotıalyq jaǵdaı: janýarlardyń asa qaýipti aýrýlarynyń 23 oshaǵy tirkeldi. Sonymen qatar, vırýstyq dıareıa jáne epızotıalyq lımfangıt aýrýlary boıynsha epızootıalyq jaǵdaı birqalypty.
Aıta ketý kerek, Aýyl sharýashylyǵy mınıstrligi Veterınarıalyq baqylaý jáne qadaǵalaý komıteti men jergilikti atqarýshy organdardyń veterınarıalyq qyzmeti arasynda qadamdyq is sharalar jospary bekitilgen bolatyn. Bundaı ákimdiktermen birigip istelgen is sharalar janýarlar aýrýlarynyń dınamıkasynyń tómendeýine oń áserin tıgizedi.
2017 jyldyń veterınarıalyq-profılaktıkalyq is sharalaryna sáıkes 17 asa qaýipty aýrýlarǵa qarsy 149 mln. ekpe jumystaryn egý josparlanǵan. Sonymen qatar, janýarlardyń qaýipti aýrýlaryna sáıkes 70 mln. dıagnostıkalyq tekserý josparlandy.
Byltyr Atyraý oblysynda tirkelgen nodýlárly dermatıtke qarsy barlyq is-sharalar jasalyndy, dertke shalynǵan 1150 iri qara mal basynyń quny tolyqtaı ótelindi. Atyraý oblysynan bólek Aqtóbe jáne Batys Qazaqstan oblystarynyń janýarlaryna da nodýlárly dermatıtke qarsy aldyn ala ekpe egý jumystary júrgizilýde.
Sibir jarasy kómindisiniń oryndaryn qurý jáne ornyqtyrý máselesi qaraldy. 2016 jyly Respýblıka boıynsha janýarlar arasynda sibir jarasynyń 5 oshaǵy tirkeldi. Osyǵan baılanysty sibir jarasynyń kómindilerin qurý boıynsha kóptegen is-sharalar júrgizildi. Búgingi tańda 2261 kómindi anyqtalǵan, olardyń 50-i epıdemıologıalyq oshaq (adam aýyrǵan) jáne 20 orny shekaralardyń demarkasıa aýmaǵynda. Qorshaýǵa jatqyzylatyn jáne aıyrmashylyq belgileri bolatyn 2191 kómindiniń 2105-i (96%) qorshaýǵa alynǵan, 2183 (99,6%) kómindiniń aıyrmashylyq belgileri bar. Memlekettik jer kadastriniń avtomattandyrylǵan aqparattyq júıesine 2104 kómindi engizildi.
Qazaqstan Respýblıkasynyń 9 oblysynda (Aqmola, Aqtóbe, Atyraý, Pavlodar, Qaraǵandy, Soltústik Qazaqstan, Batys Qazaqstan, Qostanaı, Mańǵystaý) vaksınasıalanýsyz aýsyl aýrýynan taza aımaq statýsy alyndy. Bul óz kezeginde otandyq mal sharýashylyǵy ónimderiniń eksportqa shyǵý múmkindigin arttyrady. Qalǵan 5 oblys boıynsha aýsyl indetine vaksınasıalanatyn taza aımaq statýsyn alý úshin jumystar qarqyndy túrde júrgizilýde.
Eksporttyq saıasat otandyq qujattar men azyq-túlik ónimderiniń qaýipsizdigi normatıvteriniń qazaqstandyq ónimderdi belsendi ımporttaıtyn QHR, Iran, Saýd Arabıasy, BAÁ, Izraıl, Kýveıt syndy elderdiń qujattarymen sáıkestigin qadaǵalaıdy. Osy saıasatty júzege asyrýǵa baǵyttalǵan Jol kartasyn ázirleý jumystary aıaqtalyp keledi. Bul Karta óz kezeginde Otandyq mal sharýashylyǵy ónimderin halyqaralyq naryqqa shyǵarýdy qamtamasyz etedi.
Qytaımen Qazaqstannyń 9 oblysynan mal sharýashylyǵy ónimderin ákelýge qoıylǵan tyıym joıyldy, veterınarıalyq qyzmet jáne qoı, ara sharýashylyǵy ónimderin óndirý men qaıta óńdeý kásiporyndaryna ınspeksıa júıesiniń aýdıti júrgizildi.
Qazaqstandyq muzdatylǵan jáne salqyndatylǵan qoı etin jáne qoıdy Iranǵa eksporttaýǵa veterınarıalyq talaptardyń kelisim prosesiniń sonǵy kezeńi aıaqtalýda.
Asqanalyq taýyq jumyrtqasyn, asyl tuqymdy jáne qoldanystaǵy İQM jáne UM eksporttaýǵa BAÁ-men veterınarıalyq sertıfıkat kelisildi
AÓK-ti 2017-2021 jyldarǵa damytýǵa arnalǵan Memlekettik baǵdarlamanyń aıasynda JAO quzyretine janýarlardyń birdeılendirý quraldaryn satyp alý fýnksıalaryn berý, veterınarıalyq uıymdarǵa bekitilgen veterınarıalyq talaptardy ákimdikpen qurý jáne ákimdikterdiń vetbólimshelerine qyzmettik tıimdiligin baǵalaý júıesin engizý jáne veterınarlyq qyzmetine aýyl sharýashylyǵy taýar óndirýshilerin bekitý josparlanýda.
