«Halyq bank»  – ekinshi deńgeıli bankterdiń ishindegi eń beldisi. Bulaı deıtinimiz - onyń kapıtaly - 2 trıllıon 746 mıllıard teńgeni quraıdy. 

Men kópten beri osy banktiń tutynýshysymyn. Alaıda, bir túsine almaıtynym  - osy banktiń kez-kelgen qyzmetinde komısıalyq tólemderi men qyzmet aqylary áldeqaıda qymbat. Mysaly jaı ǵana Halyq bankke tıesili kartochkańyzda qansha aqsha bar ekenin bilý úshin bankomatqa salǵan jerden 40 teńge beresiz. Kartochkańyzben baılanys qyzmetterin tóleý kerek bolsańyz qansha sýmma tólegenińizge qaramastan komısıaǵa 50 teńge berýińiz kerek. Osy banktiń ınternet bankıngin qoldanyp, ózge banktegi kartochkalarǵa aqsha aýdarmaqshy bolsańyz 400 teńge tóleýińiz kerek. Esebińizge túsken aqshany bosatyp alý úshin de aqshańyzdyń bir paıyzyn bankke berýińiz kerek.  Osylaı tizip kete berseńiz 100 teńgelep komısıa ustaıtyn qyzmetter jetip jatyr. Soǵan qaramastan memleket kóptegen tólem operasıalaryn osy bank arqyly júrgizýdi mindettep qoıǵan. Mysaly siz JOO-ǵa qujat ótkizý úshin 300 teńgege jýyq komısıasmen qosa tólem jasaýyńyz kerek. Jyl saıyn neshe on myńdaǵan oqýshynyń JOO aýdıtorıasyna otyrýǵa nıetti ekenin bárimiz bilemiz. Al, túrli qorlardyń, memlekettik uıymdardyń, kásiporyndardyń esepteri derlik osy bankten ashylǵan. Durysy osy bankten ashylýy mindettelgen. Osy bank arqyly komısıasy ushan-teńiz qyrýar operasıalardyń júrilýine kim múddeli ekeni túsiniksiz. Shetelde aqsha aýdarymdarynan basqa bank arqyly júrgiziletin operasıalar múldem komısıasyz júriledi nemese óte eleýsiz ǵana prosent ustaıdy. 72,3 paıyz aksıasy Tımýr jáne Dınara Qulybaevtardyń ıeliginde bolǵan, orynsyz ósimi kóp «Halyq bank» halyqqa qyzmet kórsete almasa, ataýyn ózgertip alǵany jón shyǵar.

Aqkisi Jankerim