Elimiz bıyl kúni búginge deıin AQSH-nan 53 000 tonnaǵa jýyq et ákeldi. Importtady. Demek, elge et jetpeıdi. Búgin aýylsharýashylyǵy mınıstrligi elimizde óndiriletin ettiń 10 000 tonnasyn shet elderge jibermek. Eksporttaıdy. Ózimizge jetpeı jatqan etti shetke tasyp ne quny bar?! Keı aqparattar boıynsha keıbir pysyqaılar Afrıkanyń keń dalasynda erkin josyp júrgen antılopa, býıvol, zebranyń tegin etin TMD elderine ákeletin kórinedi. Sol haram ónimniń bizdiń et bazarlarymyzda júrmegenine kim kepil?! Ettiń mol tutynatyn Astana, Almaty, Shymkent, Aqtóbe qalalary. Úkimet: - aglomerasıa qylamyz - dep, júrgen qalalar. Eń aldymen osy qalalar irgesinde et jáne ózge de mańyzdy azyq-túlik ónimderin óndiretin kásiporyndar ashatyn kez keldi. Ne kedergi? Bul azyq-túlik problemasyn sheshýmen qatar, jumyssyzdyqpen kúreske de mol úlesin qosar edi. Búginde joǵaryda atalǵan qalalar irgesinde turatyn halyqtyń 99 paıyzy qala qatynap, jumys isteıtini ánbege aıan. Oıan, Qazaq Úkimeti!