Gonkong polısıasy búgin demokratıalyq normalardyń saqtalýyn talap etken sherýshilerge aımaq basshysynyń keńsesi mańyndaǵy mańyzdy joldy japtyrmaý úshin kózden jas aǵyzatyn gaz shashty. Bul týraly Azattyq radıosy habarlady.
Gonkong basshysy keńsesine jaqyn Van Chaı aýdanyndaǵy polısıanyń shtab-páterine júzdegen adam jınalyp, 15 qazanda qaqtyǵystarda polısıanyń sherýshilerdi soqqyǵa jyqqanyna qarsy shaǵym jazýǵa kezekke turǵan. Gonkongte eki aptadan asa ýaqytqa sozylǵan sherýlerge 100 myń adamǵa deıin qatysqan jaǵdaılar tirkeldi. Qazir ol kórsetkish birtindep azaıǵan.
Negizinen stýdentter men Occupy Central dep atalatyn uıymǵa qatysýshylardan turatyn narazylar bılikten 2017 jylǵa belgilengen jergilikti ákimshilik basshysyn saılaýdyń erkin bolǵanyn talap etedi. Resmı Pekın bolsa jergilikti saılaýǵa kandıdattardy ortalyq bılik ózi iriktegeni durys dep sanaıdy.
Esterińizge salatyn bolsaq, 1842 jyly Ulybrıtanıa ıeligine ótip ketken Gonkong 1997 jyly QHR-ǵa qaıtarylǵan bolatyn. Alaıda, Gonkong bıligi Qytaılyq basqaraý júıesinen tys derbes ómir súrip keldi.
Qamshy-aqparat
