Bir adam Nú-Iork qalasynyń Ortalyq parkinde serýendep júrgen kezde, qutyrǵan bir ıttiń kishkentaı qyzdy talaıyn dep jatqanyn kóredi. Júgirip baryp ıtti qyzdan alshaqtatýǵa tyrysady. Uzaq arpalystan soń, qoldary men aıaqtary jara-jara bolsa da, aqyry ıtti óltiredi. Kishkentaı qyzdyń ómirine endi qaýip tónip turǵan joq. Osy kezde olardy bir polısıa qyzmetkeri kórip, qastaryna júgirip keledi. Qyzdy qutqaryp qalǵany úshin adamdy qushaqtap alǵysyn jaýdyryp: “Sen – qaharmansyń! Erteń barlyq gazetter sen týraly jazatyn bolady. Maqala taqyryby da bylaı bolmaq:

– Erjúrek nú-ıorkshy kishkentaı qyzdy qutqaryp qaldy.

Jigit tańdana qarap: “Biraq men nú-ıorkshy emespin!” deıdi. Polıseılik: “Eshteńe etpeıdi, ondaı bolsa taqyryp bylaı bolar:

– Erjúrek amerıkandyq kishkentaı qyzdy qutqaryp qaldy”.

– Biraq men amerıkandyq ta emespin, – deıdi jigit. Polıseılik tań qalyp: “Endi qaı jaqtansyń?” - dep suraıdy.

– Men Iraktanmyn! – deıdi qyzdy qutyrǵan ıtten qutqaryp qalǵan er adam.

Osyny estigen polıseılik úndemeı qalady. Erteńine barlyq gazetterde “Radıkaldy ıslamıst baıǵus amerıkandyq ıtti óltirip ketti” degen taqyryppen maqalalar jaryq kóredi.