53 jastaǵy Eddı Hekman osydan 6 jyl buryn óz qyzynan aıyrylǵan. Alaıda óz qyzyn óltirgen adammen ne úshin aralasyp júrgenin ózi jazǵan kitap arqyly 6 jyldan keıin ózgelerge túsindirgisi keldi. Bolary boldy, boıaýy sińdi, Eddı óz qyzynyń qaıtyp kelmeıtinin jaqsy biledi. Qyzynyń ólimi qaı ata-anaǵa da bolsyn aýyr tıetni anyq. Eger qyzyn óltirgen adam bolatyn bolsa, onda tipti keshirmeıtin de shyǵar. Biraq bul oqıǵa erekshe.
Osy kezde Eddıden adamdy túsine biletin ózgeshe qasıet baıqaısyń. Ol óz qyzyn óltirgen janmen aralasýy arqyly júregindegi aýyr dertti emdeýge bolady dep esepteıdi. Ol bolǵan oqıǵanyń barlyǵyn bylaı baıandap berdi:
Meniń qyzym Renske óziniń jigiti Samarımen poezda kezdesken. Olar Nıderlandıadan Shveısarıaǵa bara jatqan edi. Olar tanysyp, telefon nómirimen almasqan. Barlyǵy osylaı bastaldy. Olardyń bir-birine degen qarym-qatynasy jaqsy bolatyn. Bir-birine qamqor bolatyn, syılaı biletin edi.
Biraq 2011 jyldyń 13 sáýirinde Renske turatyn Bafloda bir qyzdyń qaıtys bolǵanyn jańalyqtar arqyly bildim. Biraz mınýttardan keıin teledıdardan onyń páteriniń sýretin kórip, birden polısıa qyzmetkerine habarlastym. Tańǵy saǵat 5-ke aman men bolǵan jaıttyń barlyǵyn bilgen edim.
Samarı meniń qyzymdy ot sóndirgish qural arqyly ólgenshe soqqyǵa jyǵypty. Ony toqtatpaq bolǵan ofıserdi de tapanshamen atyp óltirgen. Polısıa qyzmetkerleri Samarıge 5 re oq atqan. Sodan keıin ony aýyrýhanaǵa jetkizipti. Biz Samarıdi 2 jyldan beri tanıtynbyz, biraq bundaı qylyǵyn baıqamappyz. Sondyqtan men Samarıge kómek kerek shyǵar dep oıladym. Sebebi men Samarıdi jaqsy tanıtyn edim, bul áreketke barǵan Samarı ekenine sengim kelmedi.
Keıin biz onyń qorǵaýshysymen sóılesip, Samarımen hat almasyp turdyq. Ol hatynda ókinetinin jetkizgen. Qyrkúıek aıynda onymen kezdesip, bolǵan jaıt týraly sóılestik. Onyń qatty ókinetinin sol kezde anyq baıqadym.
Olardyń arasynda urys bolypty. Meniń qyzym Samarıdiń ketýine jol bermeı turǵan kezde ol ony uryp jibergen. Samarı bolǵan oqıǵaǵa deıin túrli dáriler qoldanyp júripti. Sol dáriler onyń júıke júıesine áser etken sekildi. Qazir Samarıdiń jaǵdaıy jaqsy. Appelásıa arqyly onyń jaza merzimin 5 jylǵa qysqarttyq. Biz oǵan qoldaý bildirýge tıispiz.
Eddı Hekmennyń bul áreketi týraly kópshiliktiń pikiri ekige jaryldy. Biraq Eddı óz qyzyn qaıtara almaıdy. Eddıdiń bul áreketi onyń júregindegi jarany emdeýmen qatar, Samarıge de kómektese alady. Óz qyzyn óltirgen jandy keshirý kez-kelgenniń qolynan kelmeıtini de belgili.
Aýdarǵan: Ásel Óteshova
