Indonezıa men Taıland jaǵalaýlarynda bolǵan joıqyn jer silkinisine, onymen qosa alapat sýnamıge osymen 12 jyl toldy. 300 myń adamǵa deıin qaza tapty, aman qalǵandar aýyr jaraqattandy, úısiz, kúısiz qaldy. Sol kúngi jańǵyryq, halyqtyń sol kúngi zary búgingi kúnge deıin eldiń qulaǵynda.

Sýnamı kezinde Raýdhatýl Djanna esimdi búldirshin ushty-kúıli joǵalyp ketken. Otbasy, turǵyndar solaı dep boljaǵan. Sebebi, joıqyn apattan keıin onyń ne tiri, ne óli denesi tabylmaǵan.

Qyzdaryn izdep tabý úshin ata-ana birneshe aıyn jumsady: qalanyń ár buryshyna habarlandyrýlar ilip, buzylǵan aımaqtyń bárin izdedi. Qyz aqyry tabylmaǵan.

Sóıtip, arada 10 jyl ótti. Birde Raýdhatýldyń aǵasy kóshede alańsyz ketip bara jatyp, tanys adamdy kórgendeı bolady. Úńilip qarasa, óziniń qaryndasy, 10 jyl burynǵy apattan joǵalyp ketken qyz ekenin baıqaıdy, tipti óz kózine ózi senbegen. Joǵalǵan bala ólmegen eken, ony Mırıam esimdi qartań kelgen áıel taýyp alyp, ósirgen. Sondaı-aq, qyz óz ata-anasynan nebári 80 km. jerde ornalasqan.

10 jyldan keıin qyz bala otbasymen qaýyshty. Búginde jasy 14-te, ata-anasy qyzdarynyń qaıtyp kelgenine áli kúnge deıin senbeı júr. Bir-birimen qaýyshqandaǵy sátterin otbasy eshqashan umytpaıdy.  

Sholýshy: Sabına Ramazan