Periscope áleýmettik jelisinde tikeleı efırde sumdyq  jaǵdaı oryn aldy. Tikeleı efırden aıaq-qoly  oryndyqqa baılanǵan qyzdy kórgen kezde alǵashynda eshkim sene qoımady. Biraq biraz ýaqyttan keıin adamdar bul oqıǵanyń shynaıy ekenin túsinedi. Keıin barlyǵy qyzdy qutqarǵysy kelip, oǵan birneshe suraqtar qoıa bastady. Sol suraqtar arqyly oǵan kómekteskileri keldi. Bul oqıǵa 29 mamyrdan 30 mamyr aralyǵyndaǵy túnde oryn alǵan. Alǵashynda translásıa sdrjh434hgfg3 atalǵan bolatyn. Keıin basqa ataýlarmen tikeleı efırge shyǵa bastady.

Kadrdaǵy qyz eshteńe isteı almady, tipti sóıleı de almaǵan. Ol tek basyn qozǵaltyp otyrdy. Atalǵan sumdyq oqıǵa Máskeý qalasynda bolǵan. Qyzǵa kómek kórsetý úshin «Govorıt Moskva» radıo stansıasy kómektesýge tyrysty. Olar qyzǵa birneshe suraqtar qoıyp otyrdy, al qyz bolsa basyn qozǵaltyp jaýap bergen.

Qyz ony bireýlerdiń urlap ketkenin, Máskeýdiń shyǵysynda ekenin rastaǵan bolatyn. Sonymen birge qyz tikeleı efırden keıin qandaı jaǵdaıǵa tap bolatynyn bilmeıtinin ymdap bildirgen. Qyzdyń aıtýynsha, ony urlap ketipti, keıin ol biraz ýaqyt boıy esinen tanyp jatqan kórinedi. 9 mınýttan keıin qyzdyń  otyrǵan jerinde stakan synyp, túsiniksiz dybystar shyǵa basaıdy. Biraz ýaqyttan keıin tikeleı efır aıaqtalady. Atalǵan radıostansıa barlyq málimetteri jınaqtaǵanymen, eshqandaı kómek kórsete almady.

Biraq barlyǵy basqasha aıaqtaldy. 30 mamyr kúni tańerteń qyz óziniń aman ekenin málimdep, ózine kómektespekshi bolǵan adamdarǵa alǵysyn bildirdi. Bul tikeleı efır oıdan shyǵarylǵan eken. Eger osyndaı jaǵdaı oryn alsa memlekettik qyzmetkerlermen qosa ózge adamdar  qandaı áreketke baratynyn bilgisi kelgen. Ókinishke oraı eshkim kómektese alǵan joq.

Qazirgi kezde osyndaı oqıǵalar kóp kezdesedi. Buryndary qylmyskerler adamdy tyǵylyp zorlap, óltirýshi edi, al qazirgi kezde barlyǵy ashyq túrde ótýde. Barlyǵy anyq kórsetilip, ashyq túrde qylmys jasalsa da eshqandaı kómek kórsetilmeıtini ókinishti. 

Aýdarǵan: Ásel Óteshova