Sherrı Djonsonnyń joǵarǵy bilimi joq. Búginde ol toǵyz balany tárbıeleýde. Kúıeýi ekeýiniń arasy únemi daý damaıǵa tolyp júredi.

Sherrı Djonson 11 jasta bolǵan kezde ol ózin zorlaǵan er adamǵa turmysqa shyqqan. Ony zorlaǵan adam  20 jasataǵy shirkeýge kelýshilerdiń biri bolǵan. Qyz júkti bolyp qalǵan soń qamqorlyq organdary qylmystyq isti jabýdyń eń ońtaıly joly Sherrıdi sol er adamǵa turmysqa berý dep sheshken. Al Sherrıdiń basqa amaly bolmaǵan.

"Anam menen bul nekeni qalaısyń ba dep surady. Al men bolsam neke degen ne dep suradym, áıel bolý degen qalaı dedim. Ol meniń bul bilmestikten týyndaǵan suraqtarymdy meniń kelisimim dep sheshken".

Sherrı Florıda shtatynda turady. Bul shtatta nekege turýdyń mınımaldy jasy bekitilmegen. Onyń aıtýynsha odan bólek basqa da jas qyzdar ózerinen úlken er adamdarǵa turmysqa shyǵyp jatty. Bul shirkeýdiń óz qylmysyn jabý úshin jasalatyn qıturqy áreket deıdi.

"Bul ómir ómir emes. Men mektepti tasaýǵa májbúr boldym. Al qazir meniń toǵyz balam bar"-deıdi áıel.

Sherrı shirkeý qyzmetshisi men shirkeýge kelýshilerdiń tarapynan zorlyqqa tap bolyp, 10 jasynda birinshi balasyn bosanady. Bir jyldan keıin ony ózin zorlaǵan adamǵa turmysqa shyǵarady.

Búginde Sherrı qoǵamdaǵy oryn alyp jatqan osyndaı áreketterge toqtaý qoıý kerek ekenin aıtyp, ádildikke shaqyrýda. 

Sholýshy: Sabına Ramazan