Óz elimizdiń memlekettik rámizderine qurmetpen qaraý, qasterleý, ony ornymen paıdalaný – árbir azamattyń mindeti. Memlekettik rámizder elimizdiń táýelsizdigin, onyń sanǵasyrlyq tarıhyn, halqymyzdyń mádenıeti men dástúrin beıneleıdi. Ulttyq sana-sezim men azamattyq ustanymdy qalyptastyrady. Otanǵa degen súıispenshilik pen berilgendik memlekettik rámizderge qurmetpen qaraýdan bastalady.
Táýelsiz memleketterdiń aýmaǵynda oıran salyp, tutastyǵyn buzýdy kózdeıtinder dáriptegen rámizderdi, sondaı-aq esh jerde moıyndalmaǵan jalǵan respýblıkalardyń týlaryn óz elimizde taratýǵa jáne nasıhattaýǵa múlde jol berýge bolmaıdy. Muny biz jete túsinýimiz kerek.
Sondyqtan biz, patrıottar, memleketshilder, zıaly qaýym ókilderi men jýrnalıser Memlekettik Táýelsizdik týraly deklarasıaǵa qol qoıylǵan kúni – 25 qazanda memlekettik rámizderdi nasıhatttaý úshin kezdesý ótkizetinimizdi buǵan deıin de málimdegen edik.
Antıeýrazıalyq qozǵalystyń uıymdastyrý komıteti kezinde respýblıkanyń ár qıyrynan bas qosqan patrıottardyń Antıeýrazıalyq forýmyn jáne qoǵamdyq tyńdaýyn ótkizgenbiz. Memlekettik rámizderdi nasıhattaýǵa baǵyttalǵan bul KEZDESÝ memleketimizdiń táýelsizdigin qorǵaýdyń jańa is-qımyl tásili bolyp sanalady.
Qurmetti azamattar, biz sizderdi samarqaýlyqqa salynbaı, atalǵan sharaǵa belsene qatysýǵa shaqyramyz!
Kezdesý 25- qazan kúni (senbi) saǵat 11:00-de burynǵy Joǵarǵy keńes ǵımaraty ornalasqan «Astana» alańyndaǵy (Tóle bı men Abylaı han qıylysy) qazaqtyń batyr qyzdary Álıa men Mánshúktiń eskertkishi aldynda ótedi.
Antıeýrazıalyq forýmdy uıymdastyrý komıteti.
