Fransıalyq Capital Biotech kompanıasy  «Halal etti tekseretin test» ázirledi, ol musylmandardyń   qaı maldyń etin tutynyp jatqanyn  aıqyndaýǵa, sýsynda alkogól bar-joqtyǵyn anyqtaýǵa múmkindik beredi. Bul týraly reseılik BAQ-qa silteme jasap QazAqparat jazdy.

Ol asta ıslamda tyıym salynǵan dońyz etiniń bar-joǵyn anyqtaýǵa múmkindik beredi.

Júktilikti anyqtaıtyn test sıaqty, munda da eki jolaq bar. Bir jolaq - tyıym salynǵan qospanyń joqtyǵyn, eki jolaq - bar ekenin bildiredi. Testileý úshin  jyly sý quıylǵan staqanǵa ónimniń bir bólshegin salyp, birazdan soń anyqtaıtyn jabdyqty sýǵa malý qajet eken.

Kompanıanyń negizin qalaýshy Abderrahman  Shaýı «Aljırde shyqqan test etıkette qospalary jazylmaǵan taǵamdy satyp alǵan kezde asa paıdaly, ári saparǵa shyqqanda, meıramhanada tamaqtanǵan kezde óte qajet», - deıdi.

Aqparatqa saı, test jabdyǵynyń bir danasynyń quny  6,9 eýro, oramasy 125 eýro.

Eske sala ketsek, musylmandar úshin Quranda halalǵa jatpaıtyn taǵamdar tizbesi bar. Oǵan shoshqa eti, ólgen maldyń eti, qaǵıda boıynsha soıylmaǵan mal eti jáne t.b. jatady.

Qamshy-aqparat