Jeksenbige qaraǵan túni Londonda terakti boldy dep habarlaıdy Qamshy aqparattyq agenttigi. Fýrgon birneshe adamdy qasaqana qaqqan.  Osy jaǵdaıdan keıin birneshe adam kóshedegi júrginshilerge pyshaqpen shabýyl jasaǵan. Resmı derekterge saı, 6 adam kóz jumdy, 48 adam jaralandy.

Polısıanyń málimetinshe, kúdiktilerdiń sany úsheý bolǵan. Olardy oqıǵa ornyna kelgen polıseıler sol jerde atyp óltirdi.

Bastapqy kezde fýrgon júrgizýshisin ustady degen aqparat taraǵan. Sebebi kýágerler oqıǵa ornynda kisendelgen adamdy kórgen. Alaıda bul aqparat rastalmady. Sebebi kúdiktilerdiń eshqaısysy tiri qalmaǵan.  

Ekinshi shabýyldan keıin Sun gazeti polıseılerdiń kúdiktilerdi atqanyn habarlady. Al áleýmetik jelide adamdarǵa shabýyl jasaǵandardyń biriniń fotosy jarıalandy. Fotodan er adamnyń denesinde bombaǵa uqsas jarylǵysh zat ornatylǵanyn kórýge bolady.

Polısıa uzaq ýaqyt eshqandaı aqparat bermedi. Olar qaýip áli seıilmegenin jetkizgen. Jergilikti ýaqyt boıynsha tańǵy  saǵat tórtte polısıa júrgizgen operasıa nátıjesinde úsh adamnyń kózi joıyldy jáne olardyń denesinde  jarylǵysh zat ornatylǵany rastaldy.

Londondaǵy qazirgi jaǵdaı qandaı?

Boro-Marketa kópiri áli polısıanyń qorshaýynda. Jergilikti BAQ-tyń málimetinshe, polısıa ózderin qaýip seıilgendeı ustaýda. Soǵan qaraǵanda, barlyq kúdikti quryqtalǵan sekildi deıdi jergilikti BAQ.

 Polısıa shabýyl kezinde kúdiktilerden qorǵanyp bireý kópirden sekirip ketý múmkin dep boljap, Temazany da tekserip júr.

Jaraqat alǵandardyń barlyǵy aýrýhanaǵa jetkizildi. Dárigerler azamattardy aýrýhanaǵa tek qatty qajettilik bolsa ǵana kelýlerin surap otyr. Sebebi barlyq kúsh túnde jaraqat alǵandarǵa jumsalyp jatqanyn aıtady.

Úsh aıda úsh tearakt

Bul Brıtanıadaǵy úsh aıdaǵy úshinshi terakt. 22 naýryzda parlament ǵımaratynyń janynda bolǵan teraktiden alty adam (onyń ishinde shabýyldaýshy da bar) kóz jumdy. Elý adam jaraqattandy.

Shabýyldaýshy Halıd Masýd eń aldymen kólikpen jaıaý júrginshilerdi qaǵyp, odan keıin kólikten shyǵyp parlamentke pyshaqpen júrgirgen. Polıseıler ony sol jerde atyp túsirdi.

"Manchester-Arenadaǵy" jarylystan 22 adam kóz jumdy, 116 adam jaraqattandy.

Halyq amerıkandyq pop ánshi Arıana Grandeniń konsertinen shyǵyp kele jatqanda 22 jastaǵy Salman Abedı ózine baılanǵan bombany jaryp jiberdi.

 Daıyndaǵan: Ásem Álmuhanbet