Áıel sózsheń keledi degen bir taptaýyryn túsinik bar. Qalaı degenmen de qansha jerden aǵynan jarylsa da áıelderdiń, ásirese erine aıta bermeıtin óz qupıasy bolady dep jazady Qamshy aqparattyq agenttigi alashainasy.kz-ke silteme jasaı otyryp. Sonyń birnesheýine toqtala ótelik.
1. Kez kelgen áıel názik zatyna saı sezimtal keledi. Ol ómir jolynda jolyqtyrǵan juby ár sát saıyn júregi qalaǵan nársesin aıtqyzbaı taýyp, oryndasa eken dep armandaıdy (jarynyń kóńilin tapqysh er azamat - bizde sırek kezdesetin jaǵdaı). Biraq bul armany jaıly erimen eshqashan bólispeıdi. Kóbine úıdegi túsiniksiz aıqaı-shý, negizinen, osydan týyndap jatady. Bul kıkiljiń syry keı otbasynda jarıa bop qalady. Mundaıda kúıeýdiń: «Maǵan neǵyl deısiń» nemese «aldyn ala aıtpadyń ba, seniń ne qalap turǵanyńdy qaıdan bilemin» dep aıtylǵan sózi áıel úshin tóbeden sýyq sý quıyp jibergenmen birdeı áser etedi.
2. Mundaıda kóńili jabyrqaýly názik jan: «Osynsha jyl turyp meni tanyp-bilmegeni me, demek meni shyndap súımegeni ǵoı» dep ishteı tolǵanyp, kúıinedi. Óziniń qulaı súıgen sezimi aqtalmaǵan sıaqty kúı keshedi. Biraq munysyn taǵy da erine bildirmeıdi. Biraq tymyraıyp júrgen otanasynyń jaıynan qanyq otaǵasy bir nárseni durys jasamaǵanyn anyq sezedi. Sonda neni durys jasamady?
3. Kóbine erkekter áıeline kóp kóńil bólse, (óz sózderimen aıtqanda) qutyryp ketedi dep jańsaq oılaıdy. Kerisinshe, sýǵa qanǵan gúl jaıqalyp shyqqan sekildi romantık erine tánti áıeldiń mundaıda kóńili jadyrap, oǵan degen yntazarlyǵy arta túsedi. Erkekke qaraǵanda áıel zaty márt, jomart keledi. Áıel qalaýyn zertteý úlken jeńis ákeletinin erkekter paıymdaı da bermeıdi. Sondyqtan arakidik áıel moıynyna júktelgen mindettermen bólisip, tosyn syılar jasap tursa, úı únemi mereke men berekege toly bolady.
4. Áıelim qyzǵanshaq emes deseńiz, qatty qatelesesiz. Kez kelgen áıel erin qyzǵanady. Biraq ony bildirmeıtinderi óte kóp. Qyzǵanǵanyn bildirmegen sekildi Sizdi arasynda tekserip turatynyn da jasyrady. Óıtkeni bul áıel zatynyń otbasyn saqtaýda súıenetin birden-bir strategıalyq amaly. Qalaı degenmen de áıel qyzǵanyshyn týǵyzyp, abyroı jınaımyn dep oılamańyz. Kerisinshe, kúdik týǵyzatyn nárse bolsa, ol týraly jaryńyz surap jatpasa da ony túsindirip bergeninińiz abzal. Óıtkeni ol suramaýy múmkin, biraq kúdik qurty onyń mazasyn qashyryp, otbasynyń berekesin alady. Ózińizge bas salǵan jan jaryńyzdyń keıbir túsiniksiz qylyǵy osymen de baılanysty bolady.
5. Ótirik orǵa jyǵady. Al áıelder ótirikti alystan sezip qoıady. Sol sebepti ótirik kólgirsip áıel aldynda abyroıdan jurdaı bolǵansha, oǵan shynyńyzdy aıtyp, basqa túsken máseleni aldyn ala ashyp alǵan jón. Al shyndyqty aıtýdan qoryqpaǵan erdi kez kelgen áıel syılap-qurmettep, onyń aǵat isi bolsa, keshiredi. Tipti, bul qylyǵyńyzdy qurbylaryna aıtyp, maqtanyp, shattanady.
6. Kóp áıel syrttaı-aq erkektiń áleýetin ańǵara alady. Muny biri minez-qulqyna, biri logıkasynyń ólshemine qaraı biledi. Biraq, bul áıelder úshin tis jaryp aıtýǵa bolmaıtyn qupıa taqyryp. Erkekterdiń bul rette fantazıasy shekteýli bolýy múmkin, al áıelderde ol san-túrli. Mine, osy san-túrli fantazıany áıelder eshqashan erimen bólispeıdi. Biraq ony qalap, sizden únemi kútedi.
7. «Jora-joldasymdy jaqtyrmaıdy, meni eshkimmen aralaspasa dep oılaıdy ǵoı» deıtin erkekter qatty jańylysady. Eger jora-joldas unamasa onyń bir sebebi bar shyǵar. Alaıda úıde otyrǵan erkekti áıel zaty jek kóredi. Eń qurymaǵanda, jigittermen nege serýendep qaıtpaıdy dep oılaıdy. Jumsaq dıvannyń ústinde qarama-qarsy televızorǵa qara keshke deıin qadalyp jatqan erkek áıel aldynda birtindep qunyn joǵalta bastaıdy. Muny da áıel ashyp aıta bermeıdi.
8. Shyndyǵynda, áıel eriniń dostaryna unaǵysy keledi. Kim jek kórinishti bolǵysy keledi deısiz. Kóbine dostyń dos aqylyna súıenetinin jaqsy biletin áıel muny erine aıtqanyn istetýdiń bir aılasy retinde de qoldanady. Otbasy úshin daýly sheshimdi jaryńyz, eń birinshi, dosyńyzben bólisip, óziniń durystyǵyna onyń kózin jetkizedi. Al dos sizge osylaı etkenderińiz durys dep keńes beredi. Osylaısha áıel qalaýy oryndalyp jatady. Bul - áıeldiń qupıa aılasynyń biri.
9. Áıelder jalǵyz qalǵandy, naqtyraq aıtqanda qıaldaǵandy jaqsy kóredi. Sondyqtan erin úıden qýdalaı bastaıdy. Al erkek, kerisinshe budan kúdiktenip, tyrysyp úıde jatyp alady. Sóıtip oı erkindigi tizginin jibere almaǵan áıelińiz ashýshań bop shyǵa keledi. Ol: «Sen dalaǵa bara turshy, men qıaldap alaıyn» dep aıtpaıdy ǵoı.
10. Eriniń kıimin áıel tańdaǵysy keledi. Biraq kóp erkek zaıybyna bul múmkindikti bermeıdi.
Sholýshy: Ásel Óteshova
