Apple kompanıasy óziniń operasıalyq júıesiniń jańa nusqasy iOS 11-di tanystyrdy dep habarlaıdy Qamshy aqparattyq agenttigi BBC orys qyzmetine silteme jasap.

Apple smartfondarynyń jańa júıesi kompanıanyń merekelik modelimen birge qoldanysqa enedi. Bıyl Apple kompanıasynyń iPhone telefonyna shyǵaryp kele jatqanyna 10 jyl. Osyǵan oraı kúzgi maýsymda iPhone 8 shyǵady dep kútilýde. Belgili bolǵandaı jańa júıede messendjer arqyly aqsha jiberýge, faıldardy ońaı basqaryp, dısktegi oryndy únemdeýge múmkindik beriledi.

iOS 11-diń tusaýy San-Hostaǵy Dúnıejúzilik qurastyrýshylar konferensıasynda (WWDC) kesildi. Jańa operasıalyq júıedegi eń keń kólemde talqylanyp jatqan jańalyq - faıldar menedjeri. Endi qoldanýshy faıldardy ózi basqara alady.

Budan ózge, aldaǵy ýaqytta iMessage arqyly tólemderdi júzege asyrýǵa bolady. Bul Apple Pay júıesi arqyly júzege asyryldy. Sondaı-aq, fotosýretter men kartalardy óńdeýge arnalǵan baǵdarlamalar jasaldy. Jańa iOS kúzde iske qosylady.