Yvision blogtuǵyrynda Sey Khan esimdi qoldanýshy Qyzylordada bolatyn kastıngke habarlama jasaǵan. Tómendegi sýretten kóretinderińizdeı arnaıy baıqaýǵa 28-25 jas aralyǵyndaǵy qyzdar shaqyrtylǵan.
Tengrinews.kz jýrnalısi atalǵan porno-kastıngty uıymdastyrýshylardyń birimen baılanysqa shyǵyp, aqparat alǵan. Jaýapqa saı qyzdardan mynalar talap etiledi: kelýshi qyzdar ózderin «tósekte tartymdy kórsete alýy» kerek jáne denesi taldyrmash bolýy kerek. Sondaı-aq «úmitkerge» qoıylatyn taǵy bir tosyn talap: qyzdar ózderiniń yńyrsyǵan-yńqyldaǵan aýdıojazbasyn jiberýi kerek.
Uıymdastyrýshy sózinshe kastıng tek Qyzylorda da ótedi. Biraq onda Qazaqstannyń barlyq óńirinen qyzdar shaqyrtylǵan. Tipti árbir túsirilim epızody úshin 90 myń teńge aqy berilmek.
Sondaı-aq joǵarydaǵy habarlama jazylǵan jazbada qyzylordalyqtardyń ıntımdi kezdesýleriniń tarıhy, sýretteri berilip, ózderine kerek jubyn qaıdan tabýyna bolatyny da jazylǵan.
Qyzylorda – 99 paıyz qazaǵy bar Mańǵystaýdan keıingi qazaqtary eń kóp ekinshi oblys. Halqynyń 97 paıyzy qazaqtardan quralatyn atalǵan oblysta joǵarydaǵydaı kisiniń beti shydamaıtyn oqıǵanyń oryn alýy ultqa qara tańba. Quzyrly oryndardyń, Qyzylorda ákimshiliginiń osy jaǵdaı boıynsha jedel áreketter jasap, joǵarydaǵydaı bassyzdyqty uıymdastyrmaqshy bolǵandardy barynsha aýyr jazaǵa tartýyn suraımyz.
