Mádenıet jáne sport mınıstri Arystanbek Muhamedıuly oblys ákimderine ókpeli. Ol aımaq basshylarynyń "ózara" fýtboldan jarysatynyn quptaǵan joq. Bulaı dep Bnews.kz jazǵan.

Búgin Nankındegi jasóspirimder olımpıadasy men Inchhondaǵy jazǵy Azıa oıyndaryn qorytyndylaýǵa arnalǵan jıynda, Atyraý oblysy sport basqarmasy basshysynyń baıandamasyn  mınıstr buzyp:

"Meniń bir suraǵym bar, Atyraý oblysy boıynsha sportqa bólingen barlyq qarjynyń 67%-y fýtbolǵa arnalady eken!? Aqshanyń bárin fýtbolǵa jiberseńizder, árıne, basqa sport túri aqsaıdy. Sizder sıaqty, Aqtóbe oblysy da qarjynyń kóp bóligin fýtbolǵa jumsaıdy. Bizde ákimder fýtboldan jarys uıymdastyrýǵa qumar. Otyryp alady da, "meniń komandam utty. Seniń komandań utyldy" dep jarysady. Fýtbolǵa aqsha qalaı bólinse, sporttyń basqa salalaryna da sondaı qarjy bólinýi kerek. Atyraý, Jambyl, Batys Qazaqstan, Qaraǵandy, Aqtóbe oblysynyń Sport basqarmalary jaǵdaıdy túzemeseńizder, bólingen aqshany fýtbolǵa ǵana jumsaıtyn bolsańyzdar, ákimderińizge aıta baryńyzdar, Ákimderińizben kelisip, tıisti shara qoldanbasańyzdar, bul suraqty memleket basshysynyń aldyna shyǵaramyz", - degen.

Qamshy-aqparat