Álemge áıgili Djekı Channyń Astanaǵa kelgeni habarlanǵan bolatyn. 2017 jyldyń 7-18 maýsym aralyǵynda Astanada Qazaqstan-Qytaı kınofestıvali ótedi. Djekı Chan osy sharaǵa qatysý úshin kelip otyr. Qazaqstandaǵy Qytaı kınofestıvaliniń ashylý saltanatyna Qazaq sahanasynyń tórinde júrgen aıtýly tulǵalar qatysyp, Djekı Chanǵa túrli tartýlar jasady, dep jazady Qamshy aqparattyq agenttigi.
Atap aıtsaq, «Qazaqstan» Respýblıkalyq Teleradıokorporasıasy AQ ujymy atynan Erlan Karın qazaqy naqyshtaǵy beldik pen qulaqshyn syıǵa tartty. Vıdeo telejúrgizýshi Dınara Satjannyń Instagram paraqshasynda jarıalandy. Djekı Chan Erlan Karınniń qolyn alyp, alǵysyn bildirdi.
Telejúrgizýshi Dınara Satjan áıgili aktermen váls bılep, jeli qoldanýshylarynyń nazaryn ózine qaratty.
Al belgili prodúser Qydyráli Bolmanov Djekı Chanǵa qazaqtyń qasıetti qara dombyrasyn syıǵa tartty.
Áleýmettik jelide tanymal tulǵalardyń Djekı Chanmen túsken sýretteri kóptep taraýda. Olardyń qatarynda L.Sultanqyzy, N.Qoıanbaev, Q.Bolmanov, D.Satjan , Irına Ten, Dáýlet Bıjanov,t.b bar.
Jeli qoldanýshylary Djekı Chandy kórý úshin Astana qalasyna barǵylary keletinin jazyp, ystyq yqylastaryn bildirýde.
Daıyndaǵan: Aıgerim TAÝBAI
