KHDR kemelerge qarsy birneshe zymyrandaryn teńizge jiberdi, zymyrandar 200 km. ara qashyqtyqty ushyp ótken, dep habarlaıdy Ońtústik Koreıa Qarýly Kúshteri. Qarýly Kúshterdiń málimetinshe, zymyrandar Soltústik Koreıanyń shyǵys jaǵalaýynan jiberilgen, dep jazady Qamshy aqparattyq agenttigi.

«Soltústik Koreıa Vonsan aýdanyndaǵy Kanvondo provınsıasynan Japon teńizi baǵytyna qaraı birneshe belgisiz zymyrandaryn jiberdi», delingen habarlamada.

Ońtústik Koreıa áskerıleriniń paıymdaýynsha, bul áreketi arqyly KHDR iri áskerı kemelerge qarsy joǵarǵy dáldiktegi zymyrandaryn jiberýge qabiletti ekendikterin kórsetpek boldy.

Zymyrandar ushyrylǵan soń japon bıligi tótenshe jaǵdaı týraly Ulttyq Qaýipsizdik Keńesine habar berdi.

KHDR sońǵy kezderi balıstıkalyq zymyrandaryna synaq júrgizýin jıilep ketti. AQSH aımaqtaǵy áskerlerin arttyryp, Ońtústik Koreıadaǵy qorǵanys júıesin óristetý, memelkettik mańyzdy terıtorıasyndaǵy qorǵanysty kúsheıtýdi qolǵa aldy.