AQSH-taǵy qazaqstandyqtar jaıly derekti fılmderdiń avtory Qanat Beısekeev kezekti fılmin usynyp otyr. Bul joly ol Nú-Iorkte myqty polıseı atanǵan qazaq polıseıi Dımash Nıazov jaıly qysqametrajdy fılm usynady dep habarlaıdy Qamshy aqparattyq agenttigi kaz.tengrinews.kz-ke  silteme jasaı otyryp.

Rejıserdiń aıtýynsha, ol bastapqyda polıseı jaıly fılm túsirgisi kelmegen. Sebebi ol osydan bir jyl buryn polıseı Danıar Nurtaz jaıly fılm túsirgen eken. Al bul joly Beısekeev fılmdi basqa jaǵynan alyp túsirgen. "Olardyń ekeýi eki túrli, - deıdi Qanat. Oılaýy da, jastary, tipti salmaqtary da ár túrli. Biraq Dımashtyń rólin fılmde ashyp, ony áńgimege tartý ońaı bolǵan joq".

AQSH-taǵy qazaq polıseıin kamera aldynda sóıletý, ony ashý úshin biraz jumys isteý kerek boldy. "Maǵan polısıa ýchaskesinde osyndaı fılm túsirýge ruqsatty birden bergen joq, - deıdi rejıser. - Iaǵnı, olar ruqsat bermeı jatty (...) Biraq sodan men aldym da fılmdi túsire bastadym".

11 mınýttyq serıada Dımash Nıazov óziniń jumys jaıly, ómiri jaıly jáne sporttaǵy qyzyǵýshylyǵy jaıly aıtady.

13 jasynda AQSH-qa ata-anasymen birge ketip qalǵan shymkenttik jigit osylaısha "myqty polıseı" atanyp otyr. Sondaı-aq, ol jaqynda jaqsy jumysy úshin erekshe jeton alǵan. NYPD (New York City Police Department) bóliminde úsh jyl ýaqyt jumys istep jatyr. Brýklın aýdanynda patrúl qyzmetin júrgizedi.

Sholýshy: Ásel Óteshova