Qazaqstandyq kásipqoı boksshy Gennadıı Golovkın elimizde úlken bir boks keshin uıymdastyrǵysy keletinin aıtty, dep habarlaıdy Qamshy aqparattyq agenttigi Vesti.kz saıtyna silteme jasap.

«Men Qazaqstanda úlken bir jekpe-jek ótkizgim keledi. Barlyǵy da osyny qalaıtyn sıaqty. Bul meniń elim úshin mańyzdy, árıne, meniń bokstaǵy salatyn izim úshin de. Maǵan chempıondyq ataqtardy biriktiretin, úlken jekpe-jekter, aty belgili qarsylastar kerek. Men alda "Kanelomen" judyryqtasamyn. Múmkin sońǵy belbeý úshin jekpe-jekti Qazaqstanda ótkize alarmyn», - deıdi Golovkın.

Eske salaıyq, 7 maýsymda Golovkın Qaraǵandyda óziniń aty berilgen sport kesheniniń ashylý saltanatynda boldy. Qazaqstandaǵy sapary kezinde boksshy ókil bolyp keletin Astandaǵy EXPO-2017 kórmesine qatysady. Shildeniń ortasynda boksshy AQSH-tyń Kalıfornıa shtatyndaǵy Big Bear bazasynda jattyǵý lagerin bastaıdy. Al 16 qyrkúıekte meksıkalyq Saýl "Kanelo" Alvarespen judyryqtasady.