2017 jyly naýryz ben mamyr aılarynyń aralyǵynda ár qazaqstandyq kosmetıkaǵa, parfúmerıaǵa 20 myń teńgege jýyq aqsha qurtty dep jazady Qamshy aqparattyq agenttigi «Iandeks .Dengı» elektrondy tólem qabyldaý qyzmetine súıenip.

Bul soma byltyrǵy jylmen salystyrǵanda 2,5 ese  artty. Jaqpamaılarǵa, kosmetıkaǵa, parfúmerıaǵa ketetin soma 23 361 teńge.

Sonymen qatar, qazaqstandyqtardyń arasynda kometıkadan bólek sporttyq taýarlarǵa da tapsyrys berý jıiledi.  Túbirtektiń ortasha somasy 24 245-ten 61 026-ǵa deıin ósti.

Syrt-kelbetinen bólek qazaqstandyq qoldanýshylar ózin damytýdy da shette qaldyrǵan joq. Osy jylǵy kóktemmen byltyrǵy kóktemdi salystyrsaq, onlaın-oqytý kýrstarymen oqıtyn adamdardyń sany 1,8 esege ósti. Ortasha eseppen – 19 070 teńge. Kitaptarǵa tapsyrys berý kórsetkishi 3,2-ge artty dep jazyldy.

Zertteý barysynda Almaty, Astana, Shymkent, Aqtóbe, Taraz, Pavlodar, Óskemen, Semeı qalalarynyń tólemderi Iandeks.Kasa arqyly salystyryldy.

Sholýshy: Almıra ASLANOVA