Adamdar tolyq dárigerge senim artýǵa daıyn turady. Kóp jaǵdaıda olardyń óz isin jaqsy biletinine sengimiz keledi. Las-Vegas turǵyny Aleks Sımste dál osylaı dárigerlerge senim artqan. Alaıda palataǵa akýsher kirip kelgende odan ishimdiktiń ıisi shyǵyp turǵan. Óz dárigeri eńbek demalysynda bolǵandyqtan ony Frenk DeLı esimdi akýsher-gınekolog bosandyratyny týraly habarlanǵan.
Aleks Sıms dárigerdi uıaly telefonyndaǵy kameraǵa túsire bastaǵan. Ondaǵy kadrlar tańqaldyrady. Aleks dárigerdiń jalań aıaq, qysqa balaqty shalbarmen júrgenin baıqap qalady.
«Men dárigerge epıdýraldi anestezıa ketkenin, bosanatyn ýaqyt taıap qalǵanyn sezetinimdi aıtqanda ol maǵan «Ózińniń maıly jambasyńmen tósekke jat» dep buıyrǵanda eseńgirep qaldym» deıdi Aleks.
Alaıda bul Aleks kórgen qorlyqtyń bastamasy ǵana eken. Onyń uly dúnıege kelgende sábıdiń oń qoly zaqymdanǵany anyqtaldy. Keıin DeLıdiń oqys qımyly balanyń sal bolyp qalýyna sebep bolǵan jáne júıke júıesine zaqym kelgendikten qoly zaqymdanǵan.
Muny bilgen Aleks dáriger men DeLıdiń jumys isteıtindeı jaǵdaıda emes ekenin kóre tura oǵan bóget bolmaǵany úshin meıirbıkelerdiń ústinen aryz jazdy. Keıinirek DeLıdiń buǵan deıin de qyzmettik jaǵdaıyn asyra paıdalanǵany anyqtalǵan. DeLıdiń ústinen 6 ret shaǵym túsken.
Aleks ádildik ornatýdy armandap qana qoımaı, DeLı budan keıin basqalaryna zaqym keltire almaıtyndaı ony aýrýhanada jumys isteýge tyıym salǵanyn qalaıdy.
Qazir sotqa deıingi tekserý jumystary júrgizilip jatyr.
Sholýshy: Sabına Ramazan
