Keılı Chepmenniń Lılı-Meı esimdi qyzy tańerteń jótelden oıanǵan. Ony kórgen anasy bul sýyq tıýden shyǵatyn aýrý emes ekenin birden sezdi. Anasy 5 jastaǵy qyzynyń álsizdigin baıqady. Anyqtap qarasa denesinde kógergen jer men bórtkendi kórdi. Aýyryp turǵan qyzyn jergilikti aýrýhanaǵa aparǵan kezde medbıkeler Lılı-Meıdiń ústinen kúmán keltiretindeı eshteńe tappaıdy.

Aýrýhanada 29 jastaǵy Keılıdi «paranoık – ana» dep qabyldap, elemepti. Biraq qyzynyń densaýlyǵy nashar ekenin ana sezindi.

     Medbıke Lılı-Meı bir vırýsty juqtyryp aldy degen boljammen úıine jiberdi, alaıda birneshe kúnnen keıin Chepmen qorqynyshty shyndyqty bildi.

     Kishkentaı qyzdyń denesiniń bórtpeleri kóbeıe beredi. Anasy qyzyn aýrýhanaǵa ekinshi ret aparyp, dárigermen kezdesýdi talap etedi. Balanyń densaýlyǵy durys emestigin birden baıqaǵan dáriger ony qan tapsyrýǵa jiberedi. Saraptamanyń qorytyndysy kóńildi kónshitpedi.

     2 saǵat ótken soń Keılıge qyzynyń asqynǵan lımfoblastyq leıkoz aýrýyna shaldyqqannyń aıtty. Ol súıek kemiginiń kletkalaryna tıetin  qaterli isiktiń sırek kezdesetin túri.  Atalmysh aýrý balalarda sırek kezdesedi, sondyqtan Lılı-Meıdiń qandaı aýrýǵa shaldyqqanyń eshkim birden aıta almady.

     Qyzymda alǵashqy aýrý belgileri baıqalǵanda, oǵan eshkim mán bergen joq. Osyndaı qarym-qatynastan keıin meniń ashýym kernedi. Biraq qazirgi tańda alǵa umtylǵannan basqa eshtene isteı almaımyz dep jazdy Keılı.

     Keılı aldaǵy eki jylda qyzynyń ne kútip turǵanymen de bólisti. Kem degende 2 jyl hımıoterapıa men steroıdttardy qabyldaıdy. Olardyń áserinen qyzynyń minezi ózgerip, erkeligi basym bolatynyń aıtty.

     Biz qazir qyzymyzdyń jaǵdaıyna ashynyp otyrmyz, Lılı-Meı úshin kúshti minez tanytýymyz kerek.  Qazir men basqa adamdarǵa osy tárizdi jaǵdaılar qashan keletinin  bilmeımin dedi Keılı.

Sholýshy: Almıra ASLANOVA