Májilistegi halyqtyq komýnıser partıasy fraksıasynyń múshesi Aıqyn Qońyrov Premer-Mınıstr Baqytjan Saǵyntaevqa depýtattyq saýal joldap, jańadan qabyldanatyn Salyq kodeksinde stavkalar halyqtyń tabysyna qaraı ózgermeli bolýy qajettigin aıtty. Ondaı oı depýtattyń basyna kapıtaldy legalızasıalaý prosesinen keıin týǵan eken.

          Osy prosestiń nátıjesinde eńbekke jaramdy 9 mln. halqy bar elimizde sońǵy ýaqytqa deıin tabysyn jasyryp kelgender 11800 esepshot ashyp, oǵan 4,1 trıllıon teńge túsiripti... Ortasha eseptegende bul bir esepshotqa 347 mln. teńgeden keledi degen sóz. Bul Qazaqstandaǵy ortasha resmı eńbekaqydan 2500 ese, jan basyna shaqqandaǵy ortasha tabystan 4300 ese artyq. Al halyqtyń tabysynyń aıyrmashylyǵy osyndaı bolyp turǵan jaǵdaıda salyq salý júıesi bárine birdeı. Keńestik kezeńnen qalǵan jurttyń bárine teń salyqtyq júıeni qoldaný qazir qol emes. Óıtkeni, tabys aıyrmashylyǵy orasan bolǵanda - ol ekonomıkalyq ta, áleýmettik te logıkaǵa kelmeıtin ádiletsizdik. Salyqty basqa halyqpen birdeı ǵana tóleıtin joǵary tabystylar aqshasyn qaıda jumsaýdy bilmeı zerikkendikten óte qymbat jyljymaıtyn múlikter, qajetsiz kólikter men astatók shyǵyndarǵa barady.

         Sondyqtan salyqty tabysqa qaraı progresshil shkalamen kóbeıtip otyrý kerek. Mundaı tájirıbe joǵary damyǵan elderdiń bárinde qoldanylady. Sonymen qatar mesenattyqty yntalandyrý úshin qaıyrymdylyq shyǵyndary salyqtan bosatylǵany durys deıdi depýtat óziniń saýalynda B.Saǵyntaevqa.

          Bul saýaldy fraksıanyń barlyq músheleri de qoldap, qoldaryn qoıdy.

S.ELEÝ, sarapshy