Ekibastuzdyq jigit óziniń súıiktisiniń tánin saýdalaǵan, - dep habarlaıdy Qamshy aqparattyq agenttigi Tengrinews.kz saıtyna silteme jasap.
Polıseılerdiń sózinshe, 29 jastaǵy Ekibastuz qalasynyń turǵyny 23 jastaǵy súıiktisin jezókshelikpen aınalysýǵa májbúrlegen. Kúdiktiniń qyzǵa tórt aı boıy qorlyq kórsetkeni anyqtalǵan. "Ustalǵan azamat bıyl mamyrdan maýsymǵa deıin kúsh kórsetý men qorqytý arqyly óziniń qyzyn jezókshelikpen aınalysýǵa májbúrlegen. Ol qaladaǵy saýnalardyń birinde jumys istegen, birge turyp jatqan óz qyzyn da sol jerde saýdalap, paıda tapqan", - deıdi baspasóz qyzmetiniń ókilderi.
Qazir er adamǵa qatysty "Jezókshelikpen aınalysýǵa tartý" baby boıynsha sotqa deıingi tergeý bastaldy. Bul bap boıynsha er adam 3 000 AEK aıyppul nemese úsh jylǵa deıin bas bostandyǵynan aıyrylady, sondaı-aq múlki tárkilene otyryp, úsh jylǵa sottalýy múmkin.
