Máskeýde bir áıel «Hónda-Solárı» avtokóligimen aýlada júrgen 6 jastaǵy Alesha Shımko esimdi búldirshindi qaǵyp ketken. Kólik ıesiniń aıtýynsha, bala mas kúıinde júrgen eken, dep habarlaıdy Qamshy aqparattyq agenttigi jergilikti BAQ-qa silteme jasap.

Atalmysh oqıǵadan keıin saraptama júrgizildi. Qujattarda kórsetilgendeı, bala óte qatty mas bolǵan eken. Al tergeýshi osy qujattarǵa sáıkes bala kóliktiń astyna ózi kelip tústi degen qorytyndy jasaǵan.

Oqıǵa Pavlıno mıkroaýdanynda №39 úıdiń janynda oryn alǵan. Ol ýaqytta Alesha óziniń atasymen serýendep kele jatqan bolatyn. Jeńil avtokólik balany basyp ótip, 10 metrdeı jerge deıin súırep alyp ketken. Aýyr jaraqattyń saldarynan balaqaı oqıǵa ornynda kóz jumdy.

Jol apatyn kózimen kórgen kýágerlerdiń aıtýynsha, áıel balany qaqpastan aldyn joǵary jyldamdyqpen qozǵala otyryp telefonmen sóılesip kele jatqan, jyldamdyǵy shamamen 50 km\saǵ.

Alaıda 31 jastaǵy Olga Alısova balanyń ózin aıyptap, kóliktiń astyna kelip túsken ózi deıdi.

Atalmysh oqıǵaǵa baılanysty saraptama qorytyndysynda balanyń qanynyń quramynda 2,7 promıl alkogól bolǵandyǵyn kórsetip otyr. Qujattarda kórsetilgendeı 6 jastaǵy búldirshin alkogól iship alǵan eken. Mundaı qorytyndyny kórgen balanyń otbasy saraptamany qaıt júrgizýdi talap etip otyr.

Sholýshy: Nazerke Labıhan