Almatylyq bıznesmen Dolkýntaı Abdýlhalıl 500 balaǵa EKSPO-ǵa bılet satyp alyp berdi. Turmysy tómen otbasydan shyqqan búldirshinder kórmedegi pavılondardy aralap, ondaǵy jasyl energetıka salasyndaǵy jobalardy qyzyqtap shyqty, dep jazady «Habar 24». Kásipker bıznestiń áleýmettik jaýapkershiligi aıasynda osy ispettes qaıyrymdy istermen jıi aınalysatynyn aıtady.

Máselen buǵan deıin jetim qalǵan múgedek balaǵa protez jasatyp, Shymkentte aýrý anasyn baǵyp otyrǵan januıaǵa baspana alyp bergen. Dolkýntaı Abdýlhalıl osyndaı qamqorlyǵy úshin "Altyn júrek" syılyǵymen de marapattalǵan.  «Biraz balany alyp keldik. EKSPO-ny, Elbasymyzdyń úlken eńbegin kórsetý úshin. Bıznestiń qoldaǵanyn kórsetý úshin. EKSPO-dan kóp áser aldyq qazir. Balalar biraz áser alyp kele jatyr. Maqsatymyz - Qazaqstandy kóterý. Halyqtyń ál-aýqatyn jaqsartý. Elbasymyz bizge de kóp kómek kórsetip jatyr», - deıdi kásipker Dolkýntaı Abdýlhalıl.