Almatydaǵy ál-Farabı dańǵylynda bolǵan jol apaty vıdeotirkeý qurylǵysyna túsirildi. Instagram jelisindegi almaty_dtp paraqshasynda jarıalanǵan rolıkten kóliktiń soqqysynan ushyp ketken qyzdy kórýge bolady dep jazady tengrinews.kz.

At taǵy bir vıdeoda qorqynyshty jol apatynyń saldary kórinedi. Kadrlardan zardap shekken eki adamnyń joldyń shetinde jatqanyn kórýge bolady.
Eske sala keteıik, keshe Almatyda bolǵan jol apatynan qyzdyń eki aıaǵy julynyp ketkeni habarlanǵan bolatyn. 

Jol-kólik oqıǵasy ál-Farabı dańǵylynda Tuńǵysh Prezıdent saıabaǵynyń mańynda bolǵan. Jol apatyna túsken kóliktiń barlyǵy batys baǵytta ketip bara jatqan.  Keıinirek aıaǵy julynyp ketken qyzǵa shuǵyl ota jasalyp jatqany habarlanǵan edi. "Birinshi naýqas Ortalyq qalalyq klınıkalyq aýrýhanaǵa jetkizildi. Qajetti mamandarmen jedel túrde konsılıým ótkizildi. Konsılıýmnyń sheshimimen naýqasqa ota jasalatyn boldy. Zardap shekken qyz aýrýhanaǵa túskende 3-4 deńgeıli travmatıkalyq shok alǵan. Jabyq bassúıek mı jaraqaty men oń jáne sol baltyr súıekteriniń ortańǵy, tómengi bólikteriniń kópjarqynshaqty ashyq synyǵyn alǵan", - degen edi dárigerler.
 

Sholýshy: Nazerke MUSA

,