London qalasyndaǵy álemdi shýlatqan 24 qabatty Grenfell záýlim úıindegi órttiń "qyzýy" áli basylar emes. Tolyq janyp ketken úıdegi ólim aldynda Facebook áleýmettik jelisine Live vıdeosyn júktegen musylman áıeldiń sózi eshkimdi beı-jaı qaldyrmady, dep jazady Qamshy aqparattyq agenttigi Islam.kz saıtyna silteme jasap.
Ranıa Ibrahım esimdi 30 jastaǵy musylman áıel bireýi 3 jastaǵy, ekinshisi 5 jastaǵy qyzdarymen birge bolǵan. Kúıeýi órt shyqqan kúni Mysyrda júrgen. Ol úı otqa oranǵanda qyzdarynyń basyn qaterge tigip, 24-shi qabattan tómen túsýdi jón kórmegen. Óıtkeni, dálizde oǵan tútinniń qaptap ketkenin, eń durysy esik-terezeni qymtap jabýdyń qajettiligin (tútin ishke ketpesi úshin) aıqaılap aıtqan daýysty estigen. Balalaryn tútingi tunshyqtyryp alýdan qoryqqan. Ol órt páterge jetkenshe sóndiriletinine úmit artqan. Ómiriniń aqyryna taıaǵanyn sezdi me, tilin kálımaǵa keltirip, shahadatty taǵy bir márte qaıtalaıdy. Ranıa qurbysy men dindes baýyry Iazǵa vıdeo-úndeý jarıalap úlgeredi.
