Almatyda álemge tanymal kaskaderler at oınatyp, qalyń jurtty tań qaldyrady, dep jazady Qamshy.kz. Atalǵan shara Qazaqstan Respýblıkasynyń Ulttyq Qyzyl Jarty Aı qoǵamynyń qoldaýymen ótedi.

Nomad Stunts komandasy Almatyda ACTION FOR RED shoýy 9 shildede saǵat 11-de Almaty ıpodromynda ótedi. Shoýdyń bıletteriniń baǵasy 100 teńgeden. 7 jasqa deıingi balalar tegin kire alady. Sharada jınalǵan qarjy Qazaqstan Respýblıkasynyń Ulttyq Qyzyl Jarty Aı qoǵamy jumystaryn qoldaýǵa jumsalady.
Buǵan deıin  Nomad Stunts  kaskaderlary «The Expendables 2», «Vıkıng», «Dnevnoı Dozor», «47 ronınov», «Kóshpendiler», «Shal», «Anaǵa aparar jol», «Monǵol», «Konan-Varvar» fılmderinde,  «Marko Polo», «Ertuǵyryl» jáne basqa da tarıhı telehıkaıalarǵa qatysqan.

Aıta ketsek, Qazaqstan kaskaderleriniń túsirilimderi adamdardyń ómirin saqtaýǵa kómektesedi. 2016 jyly olar «Donor bol – ómirdi saqtap qal» aksıasyna qatysyp, qan tapsyrǵan edi.
2016 jyly jeltoqsanda Qazaqstan Respýblıkasynyń eńbek sińirgen qaıratkeri, trúkterdi qoıýshy, «Nomad» kaskaderler tobynyń jetekshisi Jaıdarbek Kúnǵojınovtyń komandasy Qazaqstan Respýblıkasynyń Ulttyq Qyzyl Jarty Aı qoǵamynda alǵashqy medısınalyq kómek kórsetý tálimin alyp, halyqaralyq sertıfıkatqa ıe bolǵan.

Qazaqstan Respýblıkasynyń Ulttyq Qyzyl Jarty Aı qoǵamy Qyzyl Kres jáne Qyzyl Jarty Aı halyqaralyq qozǵalysynyń gýmanızm, baýyrmaldyq jáne aqysyz kómek ıdeıalary men prınsıpterin Qazaqstan qoǵamynda ornyqtyrýǵa kúsh salatyn izgilikti qoǵam. Álemniń 189 elinen 500 mıllıonnan astam múshesi bar.