Uly oıshyl, fólklortanýshy, etnograf, tarıhshy, fılosof, qazaq mádenıeti men ádebıetiniń belgili tulǵasy Máshhúr Júsip Kópeıulyna arnalǵan eskertkish qalaǵa kireberistegi aqynnyń esimimen atalatyn kóshede ornatyldy, dep habarlaıdy Qamshy.kz aqparattyq agenttigi pavlodarnews.kz aqparatyna súıenip.
Eskertkishtiń ashylýy shahardyń 60 jyldyq mereıtoıyna oraılastyrylǵan. Qoladan quıylǵan monýmenttiń bıiktigi tuǵyrymen birge alty metrden asady. Músinshiler Jaýbasar men Jarylǵasyn Iǵlanbekuly bul jumysqa bir jyldaı ýaqyt jumsaǵan. - İske kirispen buryn biz Máshhúr Júsiptiń ómirin tereńnen zerttedik, - deıdi Jaýbasar Iǵlanbekuly. – Ol óte jan-jaqty adam bolǵan. Fılosofıa, zertteý, poezıa sheberligin meńgergen.
Eskertkishtiń ashylýy shahardyń 60 jyldyq mereıtoıyna oraılastyrylǵan.
Qoladan quıylǵan monýmenttiń bıiktigi tuǵyrymen birge alty metrden asady. Músinshiler Jaýbasar men Jarylǵasyn Iǵlanbekuly bul jumysqa bir jyldaı ýaqyt jumsaǵan.
- İske kirispen buryn biz Máshhúr Júsiptiń ómirin tereńnen zerttedik, - deıdi Jaýbasar Iǵlanbekuly. – Ol óte jan-jaqty adam bolǵan. Fılosofıa, zertteý, poezıa sheberligin meńgergen.
Óńir basshysy búgingi urpaqtyń baı mura qaldyrǵan uly tulǵany qurmet tutýy kerek ekenin atap ótti.
- Ótkeni joqtyń bolashaǵy bolmaıdy, - dedi Bolat Baqaýov. - Qazaqtardyń toqshylyqta ómir súretinin Máshhúr Júsip Kópeıuly aıtyp ketken. Búginde biz shynymen de molshylyqta ómir súrýdemiz.
Eskertkishtiń ashylý saltanatyna Máshhúr Júsip Kópeıulynyń nemeresi Zaraýha Sharapıeva qatysty. Pavlodar oblysynyń ákimi Bolat Baqaýovpen birge monýmenttiń betindegi matany qazaqtyń uly zertteýshisiniń shóberesi Abaı Sharapıev ashty.
- Meniń ata-anam Máshhúr Júsip atamnyń talap qoıa biletin adam bolǵanyn aıtatyn, - deıdi Abaı Sharapıev. – Ol eńbek etken qarapaıym adamdardy qatty syılaǵan. Baıanaýylda onyń ustalyqpen aınalysqan dostary óte kóp bolǵan. Olardyń tórinde meniń atam árdaıym qonaq retinde qurmetke bólengen.
Shara barysynda mektep oqýshylary Máshhúr Júsip Kópeıulynyń birneshe shyǵarmasyn oryndap, sońynan eskertkishke gúl shoqtary qoıyldy.
Sýretter oblys ákiminiń baspasóz qyzmetinen alyndy
