Adamdar kóbinese aryqtaý maqsatynda tamaqtanýdan bas tartatyn edi. Keıbiri aýrýy asqynǵan kezde arnaıy dıeta ustap, emdelýge tyrysady. Alaıda tamaqqa táýeldi bolǵysy kelmeıtin otbasy da bar eken.

Kalıfornıa men Ekvadordyń aralyǵyn meken etken otbasy ózderin tamaqqa táýeldi emes ekenin aıtqan. 34 jastaǵy Akahı Rıkarda men 34 jastaǵy Kamıla Kastellonyń aıtýy boıynsha, olar kúnniń energıasymen tamaqtanady eken. Olar aptasyna 3 ret qana tamaqtanady. Sırek tamaqtaný olardyń ómirdegi basty qaǵıdasy.

Kamıla 2 balanyń anasy, tipti aıaǵy aýyr kezde de atalǵan qaǵıdadan bas tartpaǵan. Ol tuńǵyshyna aıaǵy aýyr bolǵan kezde 9 aıdyń ishinde 5 ret qana tamaqtanǵan. Onyń  aıtýy boıynsha, sol kezde onyń balasy óziniń mahabbatymen qorektengen eken. Onymen birge ol durys dem alý jattyǵýlaryn isteý arqyly balasyn aman-saý dúnıege ákelgen.

Kamıla osydan biraz jyl buryn kúıeýi ekeýiniń múldem tamaq jemegen kúnderin eske alyp, sol ýaqytta óte baqytty bolǵanyn aıtady.

«3 jyldaı ýaqyt Akahı ekeýmiz eshteńe jemedik. Al qazirgi kezde sırek tamaqtanamyz. Keıde men jemis-jıdek jegim keledi. Sol ýaqytta otbasymyzben birge jemis-jıdek nemese basqa da jeńil taǵam túrimen tamaqtanamyz. Aıtpaqshy, júktilik kezindegi tekseris nátıjeleri óte keremet boldy, men deni saý balalardy dúnıege ákeldim»,- dep qýanyshymen bólisti.

Olar alǵashynda tek kókónispen ǵana tamaqtansa, qazirgi kezde tamaqty shıkileı jeıdi eken. Jas jubaılardyń aıtýyna qaraǵanda, olar ashtyq sezimniń ne ekenin bilmeıtin kórinedi. Olardyń tájirıbesine súıenetin bolsaq, tamaqty qanshalyqty kóp jeseń, sonshalyqty jıi qarnyń ashady, jáne kerisinshe.  Qazirgi kezde bul otbasy tamaqqa asa kóp qarajat jumsamaıdy. Onyń ornyna olar jıi saıahattaıdy, bilim alady. 

Aýdarǵan: Ásel Óteshova