«EKSPO-2017» iskerlik baǵdarlamasynyń aıasynda 19-20 maýsym WSEC-2017 ınjenerler men ǵalymdardyń Dúnıejúzilik Kongresi ótkiziledi. Kongreske álemniń 51 elinen 1000-nan astam qatysýshylar, onyń ishinde 300 sheteldik ǵalymdar men ınjenerler WSEC-2017 jumysyna qatysady.
Olardyń ishinde Nobel syılyǵynyń tórt laýreaty, "Jahandyq energıa" Halyqaralyq syılyǵynyń segiz laýreaty, tanymal qazaqstandyq jáne sheteldik ǵalymdar, ekologtar, sarapshylar, BAÁ qorshaǵan ortany qorǵaý mınıstri, San-Paýlý shtatynyń energetıka jáne taý-ken óndirý ónerkásip mınıstri, Brazılıa Federatıvtik Respýblıkasy, jetekshi ǵalymdar men belgili sarapshylar, álemniń iri energetıkalyq kompanıalardyń basshylary bar.
Solardyń biri Kýba memlekettik keńesiniń ǵylym boıynsha keńesshisi, Kýba ǵylym akademıasynyń vıse-prezıdenti Fıdel Kastro Dıas-Balart qazirdiń ózinen Kongres jumysyna úlken senim artady.
«WSEC joǵary tehnologıalyq energetıkalyq saladaeń úzdik jetistikter men zamanaýı trendterdi talqylaý, pikir almasý alańy bolary sózsiz. Dúnıetanym kókjıegin arttyryp, ǵalymdar men ınjenerlerdiń eńbegin eseleý baǵytynda ótkizilip otyrǵan Kongreste óz oıymdy bildirýim men úshin úlken mártebe bolyp tabylady», - deıdi Fıdel Kastro Dıas-Balart.
Kongrestiń uıymdastyrýshylar komıteti, seksıa moderatory, profesor, fızıko-matematıka ǵylymdarynyń doktory, «QR ıaderlyq ulttyq ortalyǵynyń» dırektory Batyrbekov Erlan Gadletulynyń pikirinshe atom, ásirese termoıaderlyq energetıka álemdik ekonomıka dekarbonızasıasy máselesiniń sheshilýine aıtarlyqtaı úles qosady. Mundaı damý, ádette, zamanaýı tehnologıalardy endirý esebinen júzege asyrylýy tıis. Eń bastysy, adamzat pen qorshaǵan orta úshin meılinshe qaýipsiz jáne elektrqýatyn qndirýde óndiris qunynyń básekege qabiletti bolýy.
«Qazaqstan munaı óndirisi boıynsha joǵarǵy deńgeıi áli alda turǵan biren-saran memleket qatarynda», - deıdi Uzaqbaı Súleımnuly Qarabalın. Bul saladaǵy Qazaqstan damý qarqyny uzaqmerzimdi álemdik trendterge negizdelgen. Jalpy enegetıka men birqatar mańyzdy tendensıalardy atar edim. Biri – Kómirsýtekke degen suranys eseleı túsedi. Ekinshisi – dástúrli energotasymaldaǵyshtar ózderiniń joǵarǵy básekege qabilettiligin saqtala qala bermek», - Uzaqbaı Qaraballın.
WSEC-2017 ınjenerler men ǵalymdardyń Dúnıejúzilik Kongresi Qazaqstanda ǵana emes, sondaı-aq Ortalyq Azıa boıynsha alǵashqy ret ótetinin eske salamyz.
Taqyryby: «Bolashaqtyń energıasy: ınovasıalyq senarıler jáne olardy júzege asyrý ádisteri». Ony 20-dan astam bedeldi halyqaralyq energetıkalyq uıymdar qoldady.
