55 jastaǵy er adam  óz áıeliniń kóńildesi bar ekenin bilgen soń ony pyshaqtap óltirgen.  Bul týraly Qamshy aqparattyq agenttigi  YK-news.kz-ke silteme jasap. SHQO Qylmystyq ister jónindegi mamandandyrylǵan aýdanaralyq soty er adamdy toǵyz jylǵa bas bostandyǵynan aıyrdy. 

 Erli-zaıyptylar  qonaqta bolǵan kezde ishimdik iship masaıǵan. Úıge qaıtatyn ýaqyt bolǵanda áıeli orta jolda aınyp qalyp, úıge qaıtýdan bas tartqan. Er adam ony kóndirmekshi bolǵan, osy arada janjal shyqqan.  Janjal kezinde áıel basqa adamdy súıetinin aıtqan. Er adam osydan keıin qaltasynan pyshaq alyp shyǵyp, ony eki ret keýde tusynan pyshaqtaǵan. Áıel oqıǵa ornynda qaza tapty. Oqıǵadan soń kúıeýi úıine baryp uıyqtap qalǵan. Tańǵa jýyq áıeldiń máıitin kórgen adamdar  polısıany shaqyrtqan. Polıseıler tez arada áıeldiń kim ekenin anyqtap, kúıeýin izdep tapqan. Er adam birden qylmysyn moıyndaǵan.. Al sotta aıyptalýy áıelin óltirgisi kelmegenin, alaıda "aqyl-esinen adasqanyn" aıtqan. Sot zalynda kýágerler olardyń arasynda janjal jıi shyǵatynyn, ishimdik ishetinin, mastyqpen tipti tóbeleskenderin de aıtyp bergen. Sot osy mán-jaıdy anyqtaı otyryp, er adamdy toǵyz jylǵa bas bostandyǵynan aıyrǵan. Úkim ázirshe kúshine engen joq.

Sholýshy: Nazerke MUSA