Almatyda jol-kólik oqıǵasynan eki aıaǵynan aıyrylǵan Ekaterına Parafıevaǵa qajetti kómek kórsetilip jatyr, - dep habarlaıdy Qamshy aqparattyq agenttigi Tengrinews.kz saıtyna silteme jasap. 

Qyz ben onyń qurbysy 16 maýsymda ál-Farabı dańǵylynda bolǵan jol apatynan zardap shekken bolatyn. Qalalyq densaýlyq saqtaý basqarmasyndaǵylardyń aıtýynsha, qyzdar eki bólek aýrýhanaǵa jetkizilgen. Qazirgi ýaqytta Parafıeva Ortalyq qalalyq klınıkalyq aýrýhanasynda jatyr. Shuǵyl ota jasalǵannan keıin onyń jaǵdaıy asa aýyr dep baǵalanyp otyr. Dárigerler qazirgi ýaqytta ıntensıv terapıa jasalyp jatqanyn aıtady. Barlyq sala boıynsha maman konsılıýmǵa qatysyp jatyr.

Dárigerlerdiń aıtýynsha, Ekaterınanyń jaǵdaıy birte-birte jaqsarady. 

Naýqastarǵa kepildendirilgen tegin medısınalyq kómek aıasynda qajetti medısınalyq kómek kórsetilip jatqanyn nazarlaryńyzǵa alýyńyzdy suraımyz. Densaýlyq saqtaý júıesindegi jetekshi mamandar jumylǵan. Olar barlyq qajet bolǵan preparattarmen qamtamasyz etilgen. Naýqastardyń jaǵdaıy túzeledi degen úmitimiz bar, odan keıin reabılıtasıa júrgiziledi", - dedi basqarmadaǵylar.

Eske sala keteıik, keshe Almatyda bolǵan jol apatynan qyzdyń eki aıaǵy julynyp ketkeni habarlanǵan bolatyn. Jol-kólik oqıǵasy ál-Farabı dańǵylynda Tuńǵysh Prezıdent saıabaǵynyń mańynda bolǵan. Jol apatyna túsken kóliktiń barlyǵy batys baǵytta ketip bara jatqan.

Keıinirek aıaǵy julynyp ketken qyzǵa shuǵyl ota jasalyp jatqany habarlanǵan edi.