Din jáne azamattyq qoǵam mınıstrligi dinı materıaldardy taratý arnalaryna monıtorıń júrgizip, bıylǵy jyly 6000-nan asa saıt tekserilgen, dep jazady Qamshy aqparattyq agenttigi.

Din isteri jáne azamattyq qoǵam mınıstrliginiń úılestirýimen ekstremızm men terorızmniń aldyn alý maqsatynda vedomstvoaralyq komısıa júıeli jumystar júrgizýde. Osynyń arqasynda ǵıbadat oryndarynyń mańaıynda qaýipsizdik kúsheıtilgen. Din isteri jáne azamattyq qoǵam mınıstri Nurlan Ermekbaev halyqqa esep berý kezdesýinde vedomstvoaralyq is-qımyldyń mańyzdy nátıjeleri týraly baıandady. Bul jóninde abctv.kz habarlaıdy.

«Vedomstvoaralyq is-qımyl nátıjesinde meshitterde tártip buzý úlesi tómendedi. Sondaı-aq, dinı materıaldardy taratý arnalaryna turaqty monıtorıń júrgizilý jolǵa qoıyldy. Bizdiń mınıstrlik 2016 jyldyń ózinde 10 750 saıtty zerdeledi. Onyń ishinde 1500-ge jýyq saıttan zańsyz kontent anyqtalyp, zań tártibimen jabyldy. Bıylǵy monıtorıńte 6 myńnan asa saıt tekserilip, 900- zańsyz kontent taratyp kelgeni belgili boldy», – dedi mınıstr.

Mınıstr, sondaı-aq, áleýmettik jelilerge, kitap, baspa ónimderine turaqty saraptama júrgiziletinin jetkizdi. 2017 jyly 1,5 myńnan asa obekt saraptamadan ótip, onyń ishinde 54 materıalda quqyqqa qaıshy kontent kezikken. Sonymen qatar, qylmystyq atqarý júıesi komıtetiniń barlyq kitaphana qoryna saraptama júrgizilgen. Nátıjesinde 13 kitap destrýktıvti mazmunda dep tanylǵan.