Almatyda joǵalǵan stýdent tiri dep habarlaıdy Qamshy aqparattyq agenttigi . Almaty qalalyq ishki ister departamenti ókilderiniń beıresmı aqparaty boıynsha Arman Nurjanuly Shymkentte júr. Bul týraly Almaty arnasy habarlady.  Ol qaladaǵy birneshe beıne baqylaýǵa túsip qalǵan. Tipten sýpermarketten kıim satyp alǵany da jazylyp qalypty. Biraq stýdenttiń ózi tabylǵan joq. Dıplom qorǵaýǵa bir kún qalǵanda is-túzsiz joǵalǵan 22 jastaǵy jigitti anasy áli izdep júr. Anasynyń aıtýynsha, onyń qaltasynda qomaqty qarjy men qymbat telefon bolǵan. Polıseıler, aıfon arqyly Armannyń  oqý ornyna emes, Saıran avtovokzalyna barǵanynda GPS arqyly anyqtaǵan edi. Grantta oqyp, emtıhandaryn jaqsy baǵaǵa tapsyrǵan stýdentti izdeýge  40-tan astam polıseı men eriktiler jumyldyrylǵan.

«Kóńilim tolmaıdy bul asa uzaqqa sozylǵany. Tergeýge senem ǵoı, biraq tergeý budanda jyldam bolsa. Olar ózderiniń jumystaryn jasap jatyr. Biraq ol jumystan esh nátıje joq.  Mine sodan beri esh nátıje joq»,- dedi Armannyń anasy, Saltanat Ábilmájinova.

Sholýshy: Aıgerim Taýbaı