Atyraý oblysynyń Qyzylqoǵa aýdanyndaǵy kóne qorǵandarǵa arheologıalyq qazba jumysyn júrgizip jatqan stýdentter osydan 2 myń 200 jyl buryn jerlengen adamdardyń qańqasyn tapty. Bul týraly Qamshy aqparattyq agenttigi 24.kz-ke silteme jasap habarlaıdy.

Jalpy aýmaǵy 50, bıiktigi 1 jarym metr bolatyn qorǵannan altyn buıymdar qoladan jasalǵan aına, monshaq-áshekeıler, semser men sadaq jebeleri shyqty. Tarıhshy ǵalymdar  «bul buıymdar bizdiń dáýirimizge deıingi 2-ǵasyrǵa, ıaǵnı Temir dáýirine tıesili» dep otyr. Jalpy Sarmat qorǵandarynyń qupıasyn ashý oblys aýmaǵynda 2005 jyldan beri júıeli túrde júrgizilip keledi.  Buǵan deıin osy Qarabaý aýyly mańaıynan «Qorǵansha» qalasynyń da orny tabylǵan bolatyn. Jergilikti arheologtardyń bıylǵy qazba jumystary da jemisin bere bastady. «Jalpy oblys boıynsha áli zerttelmegen júzden astam kóne qorǵan bar», - deıdi arheologtar.

Marat Qasenov, arheologıalyq toptyń jetekshisi:  - Qarabaý obalarynyń erekshiligi sonda, bul sarmat dáýiriniń Kaspıı oıpaty men Batys Qazaqstandaǵy kóptegen obalarǵa uqsas. Bir obadan 3 qabir tabylyp otyr. Sonymen birge áli de qazba jumystaryn jalǵastyrsaq, 6-7 qabir bolady. Biz tek qana qazir bir ǵana obany tazalap úlgerdik.

Sholýshy: Aıgerim Taýbaı