Astanalyq boıjetken Almagúl Qusaıynova baspasóz qyzmetin jınap, ózin bastyǵy zorlap ketkendigin málimdedi, dep habarlaıdy Qamshy aqparattyq agenttigi Kazinfo Today saıtyna silteme jasap.

Zábir kórýshiniń aıtýynsha, ol birneshe stamatologıalyq klınıkalardyń basshysy eken. Oqıǵa 14 maýsym kúni medbıkeler kúnine arnalǵan saýyq keshten soń oryn alǵan.

Saýyq keshten soń onyń áriptesi klınıkanyń bas dárigerinen Almagúldi úıine shyǵaryp salýyn ótingen. Qusaıynovanyń aıtýynsha, er adam ony taksımen alyp baryp, keıinnen saıabaqta serýendep qaıtýdy usynǵan. Keıinnen sol saıabaqta ony eki ret aıaýsyz zorlyqqa jyqqan.

Aram pıǵylyn iske asyryp bolǵannan soń, ol Almagúlge onyń eń birinshi jáne eń sońǵy emes ekendigin aıtqan.

«Ony mundaı qylyq jasaıdy degenge eshqashan senbes edim. Jumysta óziniń áıelin súıetin, otbasyly, salıqaly er adam sekildi júretin. Onyń úsh balasy bar. Namaz oqıdy, oraza ustaıdy. Biraq sol túni ony múldem basqasha keıipte kórdim», - deıdi Almagúl.

Zábir kórýshi oqıǵa oryn alǵannan soń birden aryz jazýǵa júreksinip, jumysynan aıyrylyp qalýǵa qoryqqan eken. Ózi jalǵyzbasty ana, bir qyzy bar, al kúıeýi bolsa qaıtys bolǵan. Sonymen qatar páteriniń nesıesin sol bir aılyǵynan tólep otyr eken. Alaıda, oqıǵa bolǵan kúnniń ertesine birden polısıaǵa baryp, shaǵymdanǵan. Zábir kórsetýshi er adamdy sottamaǵan, sebebi ol klınıkaǵa jaqsy tabys alyp keledi eken. Ózara kelisimge kelýge shaqyrǵanymen, Almagúl buǵan qarsylyq bildiripti.

«Qazir maǵan qysym kórsetip jatyr. Maǵan ne sebepti jumys istemeıtindigimdi aıtyp, túsinikteme jazyp berýimdi talap etip jatyr. Alaıda men resmı jyldyq demalysqa shyqqanmyn. Ol isteıtin jerde men júre almaımyn. Áriptester arasynda ózara talqylaýǵa tyıym salyp, jumystan shyǵaramyz dep qorqytqan. Menimen de eshkim sóılespeıdi. Sebebi, ol áriptesterdiń barlyǵyna bolǵan jaıtqa tek meni kináli etip aıtyp bergen, ol menimen qarym-qatynasyn jalǵastyrýdan bas tartqan soń men odan kek alyp júr dep jala japqan», - deıdi Almagúl.

Aýdarǵan: Nazerke Labıhan