Astanada fontan sýymen qasyq jýǵan satýshy áıel jalǵan qujatpen jumys istegen, - dep habarlaıdy Tengrinews.kz qalalyq Astana qalasynyń kásipkerlik jáne ónerkásip basqarmasynyń basshynyń orynbasary Rýslan Ydyrysovqa silteme jasap.
Astana ortalyǵynda satýshy áıeldiń balmuzdaq qasyǵyn fontan sýymen jýǵany túsirilgen vıdeony taıaýda áleýmettik jelide qoldanýshy Tımýr Orazaqov jarıalanǵan. Vıdeo az ýaqyttyń ishinde jıyrma myńnan asa qaralym jınap, qoldanýshylar áıeldiń bul áreketin sókti.
"Tekseristen keıin áıeldiń jalǵan qujatpen jumys istegeni belgili boldy. Ol usynǵan qujattar basqa kásipkerge tıesili. Alaıda, osy bıznesmenmen habarlasqanymyzda ol bul saýda núktesine eshqandaı da qatysy joq ekenin aıtty. Ol Nurjol gúlzaryndaǵy saýda ornynda kimderdiń jumys istegenin bilmeıtin de bolyp shyqty", - dedi Ydyrysov.
Osy oqıǵadan keıin elordada saýda oryndarynda aldyn alý reıdteri júrgizilipti.
Al Respýblıkalyq qoǵamdyq densaýlyqty saqtaý jónindegi komıtet ókilderi azamattardy kúmándi saýda oryndarynan azyq-túlik satyp almaýǵa shaqyrdy.
Sholýshy: Ásem Álmuhanbet
