Astana qalasy İİD Jedel basqarý ortalyǵynyń «102» kanalyna kórme aýmaǵynda "jarylǵysh qurylǵy ornatylǵan", - dep belgisiz er adam qońyraý shalǵan, dep habarlaıdy Qamshy aqparattyq agenttigi QazAqparatqa silteme jasap.
Jedel-izdestirý sharalaryn ótkizý kezinde qysqa ýaqyt aralyǵynda elordalyq polıseıler Ońtústik Qazaqstan oblysynyń 32 jastaǵy turǵynyn qolǵa túsirdi. Ol mas kúıinde atalǵan buzaqylyqty jasaǵandyǵyn moıyndady. Medısınalyq kýálandyrýdyń qorytyndysyna sáıkes er adamnyń mas ekendigi anyqtaldy.
Atalmysh fakt QR QK 273-baby (terorızm aktisi jóninde jalǵan aqparat taratqany úshin) boıynsha sotqa deıingi tergeýlerdiń biryńǵaı tirkeýine alyndy.
Ustalǵan kúdikti Ýaqytsha ustaý ızolátoryna qamaldy. Tergeý júrgizilýde.
Polıseılerdiń qoldanýyndaǵy zamanaýı tehnologıalardyń arqasynda atalǵan qylmystyq zań buzýshylyqtardy jasaǵandar bir kezekshilik táýliktiń ishinde anyqtalynady. Mundaı áreket qylmystyq jaýapkershilikke ákelip, materıaldyq zalal óndiriledi.
Aıta keteıik, 2015 jyldyń qańtarynan bastap daıyndalyp jatqan terorızm aktisi jóninde jalǵan habarlama taratqany úshin qylmystyq jaýakershiliktiń qatańdatylǵandyǵy jáne ol úshin alty jylǵa deıin bas bostandyǵynan aıyrý jazasy kózdelgen. Sonymen qatar, mekemelerdiń jáne uıymdardyń qyzmetiniń jumys kestesin buzǵany úshin jarylǵysh qurylǵy týraly jalǵan qońyraý shalǵan buzaqylardyń materıaldy zalal keltirgeni úshin mıllıondaǵan talap hattar toltyryldy.
